Laurdag 30.april     ↑940m    
Guida topptur til Ingebjørgnuten i maksimalt vær og føre, med tre trivelige svensker som hadde sin aller fyrste tur til Hardanger. Onsdag 27.april        
Tiurleik 2022
Denne gongen vart det full uttelling, med stor aktivitet på tiurleiken i morgontimane!



Måndag 25.april     ↑1620m    
Kveldstur på joggesko frå Hamre til Seljenuten, i eit teppe av kvitveis langs stien, så vidare på ski til Oksen. Skrei fyrst ned til Nuten, så oppatt og kveldens siste nedkøyring til Seljesete. Rask slush og kanskje det beste føret eg har opplevd ned denne nordvendte flanken. Søndag 24.april        
Fyksesundet frå Porsmyr Laurdag 23.april     ↑1020m    
Guida tur til Oksen med ein sprek og triveleg gjeng. Vindstille på toppen og flott slush i Oksebrekkene! Torsdag 21.april     ↑480m    
Kveldstur til Løvstakken Onsdag 20.april     ↑1780m    
Onen (1620m) frå Osafjorden
Kajakk og ski er ein fin kombo! Kunne på med ski rett ovanfor Bagnstrond (350m). Litt knoting den fyrste halvtimen gjennom skogen, men ellers fine forhold heilt til topps! Tysdag 19.april        
Frå Hamre til Tjoflot i blikkstille sjø og det som minna meir om sommarvarme - kunne padle i kortarma og shorts heile vegen.
Stor aktivitet langs fjorden denne ettermiddagen. To ørn letta frå berget ovanfor Fureneset og like etter dukka det opp ei steinkobbe framfor kajakken. Fleire spekkhoggere var på veg ut nordsida av Granvinsfjorden, men altså i trygg avstand til kajakken..

Måndag 18.april        
Kajakktur i Simafjorden og vidare til fots til Kjeåsen. Nydeleg dag med sommarleg temperatur og tørre, fine stiar. Søndag 17.april        
Morgontur i Eidfjorden med ein liten svipp under Hardangerbrua. Laurdag 16.april        
Årets fyrste kajakktur for min del. Ut Granvinsfjorden til Hamre og vidare til Fureneset i blikkstille sjø i morgontimane. Fredag 15.april     ↑1300m    
Formiddagstur til Onen/Øykjeskarsnuten frå Viermyr.
Torsdag 14.april     ↑1380m    
Osafjellet
Flott runde på Osafjellet. Tørrsnø i nordsidene og slush i sørsidene (så lenge eg holdt meg over 1100moh). Merkbart dårligare føre for kvar time, og skikkelig sugeføre på den siste nedkøyringa til Viermyr, der temperaturmålaren i bilen viste heile 9 varmegrader.. Måndag 11.april     ↑1410m    
Kveldstur til Oksen(1241m)/Veten frå Hamre
Starta i 18-tida frå Hamre for å time solnedgangen frå toppen. Fyrst på joggesko opp til Seljesete, så vidare på ski til Oksen. Gradvis bedre vær utover kvelden og knapt eit vindpust på toppen. Fortsatte vidare til Veten der det vart ein lang pause i solnedgangen. Føret derimot var ikkje like mykje å skryte av.. knallhard skare og kun nokre få parti med god snø. Søndag 10.april     ↑1040m    
Stokksel - Verkedalsnuten - Ingebjørgnuten (1210m)
Kveldstrim i svært vekslande sikt, vær og føre.

Fredag 8.april     ↑920m    
Ettermiddagstur til Ingebjørgnuten (1210m) frå Stokksel
Onsdag 6.april     ↑1720m    
Horndalsnuten (1461m)/Byrseteggi frå Øvre Fenno.
Nydeleg ettermiddags-/kveldstur over Byrseteggi til Horndalsnuten - som vart tilbringa med podcast på turen opp, og musikk i solnedgang og aprilpudder på nedkøyringa.
Tysdag 5.april     ↑1590m    
Vesle Vassfjøro (ca 1300m) frå Tunheim.
Starta direkte etter jobbdag i Ulvik. Kunne gå i berre kortarma ulltrøye heilt opp til Jonstøl frå parkeringa ved Tunheim, og det var knapt eit vindpust før eg nærma meg toppen. Vassfjøro har skjerma denne sørvendte flanken for nordavinden dei siste dagane, slik at nysnøen har fått ligge upåvirka av vind. To nedkøyringar frå foten av Vassfjøro i 15-20cm dagsfersk pudder av beste sort! Måndag 4.april     ↑810m    
Strutseggi frå Liaset. Kraftig nordavind med snøfokk på toppen og vekslande skareføre nedatt.