2021

JUNI 2021

        
Flotte dagar med fiske i Granvinsvatnet (både frå kajakk og båt), noko som resulterte i ein kilosaure og ein på 2,3kg.
      ↑1510m    19km
Ingebjørgnuten (1210m) og Midtfjell (1255m)
Flott formiddagstur til Ingebjørgnuten, så ned til Dalsete og på sti opp til Midtfjell og over Dosafjellet. Shortstemperatur og fine forhold, til tross for eit par regndropar siste halvdel av turen.
    14km 
Kajakktur rundt Granvinsvatnet, men kun ein liten ein iløpet av dei to timane med kveldsfiske.
     
Flotte dagar med stisykling og øyhopping i sørlandsskjærgården.
      ↑1190m    8km
Ruklenuten (1233m) frå Odda. Hadde eit håp om å kunne fortsette til Rossnos, men skodda låg tjukk vidare oppover.
      ↑500m    8km
Fin kveldstur til Øvstestølen med Magnhild og Ollie
      ↑1430m    18km
Grimsnuten (1233m) frå Utne
Kveldstur til Grimsnuten. På sykkel frå Utne ferjekai og inn Utnesdalen, så til fots bratt opp langs tørre svaberg til topps. Tilbake om Grimsvatnet/Grønaskar og ned skogsstien slik at det vart ein fin rundtur.
      ↑1220m    17km
Oksen (1241m) frå Hamre
Gjekk via Seljenuten begge vegar, men på turen nedatt tok eg den nymerka stien som går til Verkedalsstølen og bratt ned til Djupeviki. Så på grusveg tilbake til Hamre og rett på det faste kveldsbadet i Granvinsvatnet (målt til 19 grader!)
        
Dorgefiske på Maovatnet som resulterte i fem 200-grams fjellaure og eit stk fin-fin solnedgang.
      ↑550m    6km
Eg og Sigve på flott kveldstrim til Skamdalshorgi frå Bulko.
      ↑610m   8.5km
Kveldstur til Svortetjørn (Velkesfjellet) med packraften, ein superlett båt (kun 1,5kg) som er perfekt å ta med seg i sekken på fjellturar, og som kun tek nokre få minutter å blåse opp. Ikkje eit napp å få, hverken på kvelden eller tidleg neste morgon.
        
Hengekøyetur til idylliske Vetlavatnet, med fiske i Maovatnet og Fuglavatnet. Eit par fine steikefisk i Maovatnet. I Fuglavatnet fekk me 13 stk på ein liten halvtime, men snittvekta var ikkje stort meir enn knappe 100 gram.
        
Kajakktur i Granvinsvatnet og årets varmaste dag til no.

MAI 2021

   (gå-/joggetur)   ↑1310m    24km
Kinsarvik - Husedalen - Stavali (t/r)
Når det er varmt i været og snøsmeltinga er stor må dette være ein av dei aller finaste turane i Hardanger, med dei fire spektakulære fossane og flott gammel furuskog opp langs stien. Ein forfriskande og kjølande spray frå fossen kom ekstra godt med i dag. Tørre stiar og svaberg, og tilnærma snøfritt heilt inn til Stavali.
      ↑1140m    16,5km
Onen (1621m) frå Austdølnutvatnet
Starta grytidleg på morgonen i dag og var nær ved å gløyme att skiene heime, men tok heldigvis ein ekstra sjekk før avreise.. Stod på toppen kl 08 og vart belønna med perfekt slusjføre. To nedkøyringar, ein frå toppen av Onen og ein frå fortoppen.
        17km
Kveldstur t/r Angerskleiv
        
Telttur og fisketur til idylliske Vetlavatnet og Maovatnet.
        4km
Fin ettemiddagstur til Vikedalsnebbet, Ålvik sitt svar på Trolltunga.
        16km
Tur til Svortetjørn (Velkesfjellet) frå Hedler, så bratt nedatt til Vatnasete. Kjempefin rundtur med flott fjordutsikt langs store deler av ruta.
        
Maovatnet-Fuglavatnet-Vatnasetevatnet. Starta med å fiske i Maovatnet der det vart fangst allereie på første kastet. I Fuglavatnet og Vatnasetevatnet derimot var det ikkje eit napp å få.
        
Fiske- og telttur. Planen var å slå opp teltet ved Fulgavatnet, men med kjempebra kveldsfiske i Maovatnet var det like greit å bli værande der.
        
Kajakktur i Stokkavatnet og Espelandsvatnet
        
Kortvarig kajakktur i Espelandsvatnet som resulterte i ein liten 200-grams på spinner, før det vart full spinn også på gøtten.
        
Telttur og fisketur til Espelandsvatnet. Eindel vak og napp, men ingen som ville bite på. Sannsynligvis altfor fint fiskevær.
         5,5km
Ettermiddagstur til Seljenuten frå Hamre.
      ↑970m    16km
Onen (1621m) frå Osafjellet
Guida tur til Onen frå Austdølavatnet. Litt skodde og vind på toppen, men ellers svært varmt, nydeleg vær og triveleg selskap! Våt snø pga varmen, så det vart begrensa fart på nedkøyringa i dag.
         9km
Morgontur rundt Espelandsvatnet i soloppgang og fuglesong.


         9km
Kajakktur rundt Espelandsvatnet.
      ↑910m    15km
Onen (fortoppen) frå Osafjellet
Tung våt nysnø å gå i på veg opp, så me frykta tidenes sugeføre, men overraskande fint slusjføre i kveldssola på turen nedatt - rett før snøen var iferd med å gå over til skare. Nydeleg vær og årets (til no) varmaste dag.
      ↑705m    19km
Opp til Velken og vidare på bratt kjerreveg til Hedler, så nedatt stien og til Vatnasete.


      ↑750m    11km
Nipahøgdi (1375m) frå Osafjellet
Eg og Audun på ettermiddags-/kveldstur på Osafjellet og Nipahøgdi. Nydeleg vær og eit par cm dagsfersk nysnø. Litt vekslande føre der sola hadde stått på lengst.
      ↑910m    9,5km
Ettermiddagstur til Ingebjørgnuten i strålande slusjføre.
      ↑910m    9,5km
Kveldstur til Ingebjørgnuten (1210m)
Med plutselig værskifte og nysnø som låg å venta i fjellet vart fristelsen for stor; starta i 21-tida frå Stokksel og rakk akkurat i sola ved Nonfjell ein halvtime seinare. Kom på toppen litt over kl 22 i blåtimen og siste rest av kveldsljoset. Ikkje eit vindpust, og flott føre med 2-3 cm nysnø. Såg to harer på turen. Den fyrste rett før Nonfjell, og den andre sprang framfor bilen ned nesten heile Stokkselvegen før den skvatt uti skogen..
      ↑605m    9km
Sykkeltur frå Skålsete til Olastøl/Krokavatnet og vidare til fots til Vetlahorgi.

      ↑940m    10,5km
Bjørndalskamben (1402m)
Ei gruppe på tre fekk prøvd seg på topptur for aller fyrste gong i dag. God stemning, nydeleg vær og maksimalt slusjføre frå topp til botn!

APRIL 2021

  
Tiurleik i Granvin
Eg og Jean-Cristophe på tiurleik i Granvin. I kvart vårt ferdigmonterte telt på kvar side av eit åpent felt i granskogen fekk me i morgontimane oppleve stor aktivitet på leiken. Ein ubeskriveleg fin start på dagen, i soloppgang, fuglesong og tiurleik.


Størst aktivitet på leiken før sola stod opp, kl 05

      ↑720m    21km
Angerskleiv frå Eide. Eg og Petter tok den fine rundturen opp til Angerskleiv, med eit par avstikkarar på turen nedatt. Shortstemperatur og fine forhold.
   12km ↑910m
Kveldstur til Ingebjørgnuten (1210m) frå Stokksel
Kunne på med skiene etter berre å ha gått 10 minutter til fots i dag. Litt knoting opp (og spesielt nedatt) skogslia til/frå Nonfjellshytta, men vidare opp er snøen etter forholdene overraskande bra. Flott "kveldsslusj" frå topp til botn!
      ↑710m    22km
Angerskleiv. Omtrent samme runden som i går, men starta frå Holven og fekk kveldssola på turen nedatt frå toppen. Denne runden har det meste; fine stiar, nokre bratte tekniske parti, kjerrevegar og skogsterreng, fjordutsikt, idylliske fjellvatn og fine gamle setrer som ein passerer på vegen. I dag var det såpass varmt at eg kunne sykle i shorts og kortarma på turen opp, og det frista nesten med ein liten dupp Vatnasetevatnet..
      ↑720m    20km
Angerskleiv. Som oppvarming til måndagsbadet i fjorden tok eg og Audun ein sykkeltur til Angerskleiv. Me starta frå Eide og sykla bratt opp Tveitovegen til Vetlavatnet og vidare forbi Vatnasete til Angerskleiv. Så nedatt om Haugseåsen, Haugse og Hausnes. På denne strekninga er det fleire parti med kjempefine stiar!
   15km
Kajakktur eit stykke innover Osafjorden og så rundt Birjetangen og heilt inn Ulvikafjorden. Speglblank fjord og ubeskriveleg fine forhold. Intens fuglesong på strekning nær land frå Birjetangen i retning Osa..
   14km
Kajakktur ut Granvinsfjorden til Kvanndal, med eplekake-pause på Hamre.
      ↑740m    21km
Opp til Vatnasete og Angerskleiv, så på sti nesten heilt nedatt til Granvinsvatnet, forbi Haugse og Hausnes. Tok og ein liten svipptur oppom utsiktspunktet. Veldig fine forhold i dag! Litt snø att opp mot Angerskleiv, men det meste bestod av hard skare som var fin å sykle på.
   13km ↑820m
Middagsnuten og Ruvlenuten frå Kvamsdalen (Eidfjord)
Flott tur og fin fjordutsikt men heller labert skiføre. Vindfullt og avblåst!
   12km. ↑320m
Springetur Holven-Heiane på tørre fine stiar. To rundar.

   12km
Forsmak på sommaren! Kajakktur ut Granvinsfjorden, med innlagt kaffipause i Folkedal hjå Kristin. Kjempefine forhold på fjorden, så i dag var det ikkje spesielt utfordrande å ta fuglebilder med telelinse frå kajakk.
      ↑ca 1000m    12km
Osafjellet
Ein fantastisk flott dag på Osafjellet. I formiddagstimane gjekk me den sørvendte flanken (i retning Nipahøgdi), så vart det pølsegrilling, kaffi og smågodt i solsteiken før den nordvendte flanken stod for tur. Perfekt føre og god stemning!
      ↑930m    9,5km
Oksen (1241m) frå Tjoflot
Nydeleg dag til Oksen i Hardanger, og såpass varmt i sola at me kunne gå i kortarma ulltrøye store deler av dagen. Toppturgjestane ankom Tjoflot med Rib-båt og starta dermed dagen med ein flott båttur over Hardangerfjorden. Ein kjempefin gjeng å ha med på tur!
   12km
Kajakktur ut Granvinsfjorden til Hamre. Medvind bort og stille fjord på turen tilbake.
      ↑1930m    27km
Rute: Viermyr - Nipahorgi - Osaskavlen - Ossete (snudde på 700m) - Nipahorgi - Viermyr.
Lang rundtur på Osafjellet i fantastisk vær og føre, med lange, gode pausar i sola på kvar av toppane. Knallblå himmel og ikkje eit vindpust! Starta ikkje frå Viermyr før litt utpå ettermiddagen, men likevel var det såpass varmt i sola i 17-tida at også ulltrøya måtte av i den lange motbakken oppatt frå Ossete til Nipahorgi.
      ↑1010m    8km
Oksen (1241m) frå Tjoflot
Flott ettermiddags-/kveldstur til Oksen for å ta ein sjekk på snøforholdene. Mindre snø er normalt for denne tida av året, men likevel litt bedre enn frykta.
Det eg ikkje hadde forventa i dag var at føret var såpass bra; eit lite lag med nydeleg pudderføre/mjuk fokksnø frå toppen og ned nesten heile Oksebrekkene, før det gradvis gjekk over til litt tyngre bruddskare der det flater ut mot Vindhovden. Skylaget sprakk opp og sola kom fram omtrent i det minuttet fellene var av og skituppane vendte nedover att..
      ↑890m    7,5km
Ettermiddagstur til Strutseggi (1137m) frå Liaset
Hadde eit håp om like bra pudderføre som i helga, men vind og plussgrader hadde ført til utfordrande føre og fokksnø på store deler av turen. Det vart derfor ikkje mange kontrollerte puddersvingar nedover fjellsida i dag.. kanskje tre eller fire, i beste fall fem..
I kveld fekk me besøk av spekkhoggarane i Granvinsfjorden berre 10 minutt før det faste måndagsbadet i fjorden...
      ↑910m    10,5km
Ingebjørgnuten (1210m)
Dagens toppturgjestar ankom sjøvegen - med fly. Nydeleg vær og flott føre frå topp til botn. Takk for ein fin tur!
      ↑430m    4,5km
Fennanuten i 30-40cm nysnø. Sol og finvær den timen me var på tur, men full snøstorm rett før og etter.
      ↑500m    5km
Rute: Selstad - Verkadalen - Startaneset. Fin rundtur med appelsinpause under Sauasteinen.
      ↑1210m    20km
Onen (1620m) frå Viermyr
Lang og flott tur til Onen rett etter jobb i 20-30cm nysnø! Vindfullt og iskaldt på toppen, men me fekk raskt varmen i oss etter nokon fine puddersvingar. Spesielt bra føre på den siste nedkøyringa mot Viermyr!
      ↑580m    18km
Opp Vindalsvegen til Haugseåsen og vidare til utsiktspunktet, så på fin sti nedatt til Haugse og Hausnes. Litt nysnø på det høgaste punktet, men ellers tørre fine stiar.
     
Spekkhoggere i Hardangerfjorden
Stor aktivitet med spekkhoggere i Hardangerfjorden, og ekstra flott å få oppleve dei majestetiske dyrene jakte (og slakte) nise på nært hald.


Spekkhoggere slakter nise i Ulvikafjorden (litt ustø filming)


Ryggfinnen på den største hannen er truleg på rundt 2 meter..


      ↑1720m    25km
Onen (1620m) x2 frå Austdølavatnet
Flott formiddagstur og ubeskriveleg bra føre i den store "bollen" ned mot Kvilinganutvatnet! Sporet frå torsdag var knapt synleg og skjult av nokre cm nysnø.
I dag klaffa alt, til og med batteriet til ørepluggane holdt seg gjennom heile turen.. :-)
     
Spekkhoggere på besøk i Granvinsfjorden
Ein flokk på 7-8 spekkhoggere på besøk rett ved kaiområdet på Eide.



      ↑1220m    19km
Onen (1620m) frå Austdølavatnet
Kjempeforhold med eit par cm tørr puddersnø heilt til topps. Gjekk i tjukk tåke siste timen opp til toppen og såg ikkje varden før eg var 20 meter ifrå, og vurderte fleire gonger å snu på turen opp pga plutselig whiteout. Men etter knappe ti minutter pause på toppen letta skodda og lysforholdene nedatt var på topp heile den neste timen. Maks flaks.

MARS 2021

        
Flotte solrike dagar med øyhopping i skjærgården i Kragerø.
      ↑530m   
Morgontur i nysnø til Nonfjell. Kjempeflott føre opp til 900m, men snøfokk lenger oppe.
      ↑910m   
Ingebjørgnuten (1210m) frå Stokksel
Hadde maks flaks med timinga i dag, og kom på toppen omtrent i det minuttet snøbygene ga seg og skodda letta. Flott pudderføre heilt ned til Stokkseldalen.

Spekkhoggere på veg innover Ulvikafjorden i kveld. Filma frå Bruravik og Hetlenes.

Ryggfinnen på den største spekkhoggaren er truleg på over 2 meter!

      ↑870m    19,5km
Rute: Holven - Hedler - Trohaugen - Vindal - Hausnes.
Kjempefin runde på fleire "nyoppdaga" stiar.
      ↑770m   
Ettermiddagstur i dagsfersk nysnø opp Osafjellsvegen til Langavatnet.
      ↑670m   14km
Opp Vindalsvegen til Velken og vidare på kjerreveg til Hedler. Litt snø og is i stien øvst, men fint vidare nedover lia.

      ↑350m   11km
tur-retur Velken. Måtte snu i det girarmen på sykkelen plutselig kollapsa..

      9km   
Joggetur ut Hamrevegen, som oppvarming til måndagsbadet i fjorden
      ↑1010m   
Midtfjell (1255m) frå Stokksel
Vindfull formiddagstur til Midtfjell, med afterski-is i sola rett etter turen.
      ↑480m   22km
Opp Vindalsvegen til Haugseåsen, så på fin kjerreveg/sti nedatt til Haugse.
      ↑1060m   
Midtfjell (1255m) og Disk frå Stokksel
Formiddagstur til Midtfjell i overraskande fine snøforhold! Mjuk pudder heilt til topps.
      ↑1570m   
Blåskavlen (1809m) i Aurland
Kjempefin tur til Blåskavlen, med lang og flott solnedgang som fulgte oss heile siste halvdel av turen opp frå Voldedalen!
Sjå Sigvor sine bilder får turen her:
      ↑1010m    12km
Oksen frå Hamre
Hadde eit håp om å nå solnedgangen frå toppen rett etter jobb i dag, men med mindre snø enn forventa endte eg opp med å snu på ca 1000m - i det sola forsvant bak skyene. Uvanleg lite snø for tida så det blei ytterst forsiktige svingar for unngå stein som låg skjult i nysnøen.
      ↑1570m    16km
Brattenuten frå Espelandsdalen
Nydeleg vinterdag! Opp lia frå Botn var det faktisk så varmt i sola at ulltrøya måtte av. Tre nedkøyringar til Hestesodene(ca 900m). Føret vidare nedover var mildt sagt krevande..
      ↑870m    11km
Brattenuten frå Espelandsdalen
På pudderjakt og ettermiddagstur opp mot Brattenuten. Me snudde rett før toppen pga dårlig sikt og tett snødrev. På nedkøyringa vart me belønna med 30-40cm fersk nysnøføre!

      ↑1340m    16,5km
Horndalsnuten (1461m) og Vierskar frå Skaftedalen
30-40cm nysnø og stort sett veldig bra føre, men litt vindpåvirka og avblåst opp mot toppen. Café Skykkjeset diska opp med varm drikke etter turen!
      ↑590m    11km
Rute: Holven - Heiane - Fletene. To joggerundar på sti- og kjerreveg ovanfor Holven. Slapp å åpne opp grindene i dag, dei stod vidåpne etter vinden sine herjingar..
      ↑790m    7,5km
Hamre - Seljenuten (700m) - Middagsvarden.
      ↑720m    14km
Fjæratoppen (715m) frå Fjæra
Flott formiddagstur til Fjæratoppen i Etne. Det fyrste som møtte meg på toppen var ein nysgjerrig rev som hadde fulgt i sporet til haren. Den kikka på meg nokre sekund før den snudde og rusla vidare, og lurte seg dermed unna fotograferinga..

      ↑420m    8,5km
Trimtur med Sigve til Bilde frå Nesheim.


   (stispringing) ↑580m  10,5km
Rute: Haugseåsen - Vatnasete - Angerskleiv - Fuglavatnet - Heiane - Haugseåsen.
Kjempefine forhold for joggetur med piggsko. Hard skare, frosne myrer og islagte vatn.

      ↑1320m    14,5km
Olsskavlen (1576m) frå Espelandsdalen
Ettermiddagstur til Olsskavlen. Kunne starte på ski frå Botn(550m). Vidare frå Nordrebotn (780m) og opp var det jamnt og fint snødekke, med ein liten cm nysnø på mjuk skare. Sol frå blå himmel på turen opp, men kraftig vind og heilt overskya (krydra med litt skodde her og der) på siste del av turen; så det plutselege væromslaget la ein viss dempar på moroa nedatt i dag.
      ↑700m   6,5km
Trimtur til Seljenuten frå Hamre. Kun 2-3 små snøfenner att langs stien.
      ↑480m   7km
Stirunde i lia ovanfor Nesheim og fyrste turen med stisykkelen i år.

      ↑130m    10km
Joggetur t/r Hamrevegen til Startaneset - som oppvarming til det faste måndagsbadet i Granvinsfjorden.

   (kajakk-/fjelltur)    ↑720m    13km
Bagnstrond og Slettafjell (697m)
Padla over til Bagnstrond i blikkstille fjord og nydelege forhold. Varmt i sola og ikkje mykje som minna om vinter og februar. Gjekk vidare til fots frå Bagnstrond til Slettafjell (697m) og kunne gå i berre kortarma ulltrøye heilt opp. Såg mellom 20-25 hjort i skogslia opp mot toppen og kom opp til flott solnedgangen over Hardangerfjorden. Rakk ikkje nedatt før det vart skumring så då frista det lite å sjå etter teltplass langs fjorden, men med eit vær som minna meir om sommar enn vinter endte eg opp med å sove under open himmel, på brygga rett ved naustet der eg hadde parkert kajakken.

FEBRUAR 2021

        
Kajakktur i Granvinsvatnet og årets fyrste for min del. Artig kajakktur der eg måtte padle gjennom ein labyrint av is for å komme meg framover.
      ↑620m    5,5km
Kjeåsen (530moh)
Heilt bart og fint opp stien frå Sima til Kjeåsen i dag. Møtte ingen turistar, men så er det heller ikkje så ofte denne ellers så populær stien er farbar til fots så tidleg som i februar.
      ↑150m    6,0km
Holven - Heiane - Fletene. Fin rundtur i oppholdsvær og gløtt av sol.
      ↑180m    13,5km
Springetur på div stiar og grusvegar i øvre Granvin. Vått og grått.

      ↑580m    9,5km
Formiddagstur til Ådnagavlen i soloppgang

      ↑1010m    11,5km
Ingebjørgnuten (1210m) frå Stokksel
Måndagstrim til Ingebjørgnuten. Stor smelting og våt, tung snø heilt til topps. Skrei ned i retning Rundtjørn, og har aldri før opplevd så mange åpne elver og bekker som måtte kryssast vidare ned Stokkseldalen. Godt at radoneeskoene er vanntette!

         7,5km
Opp Gjerike til "utsiktspunktet", så nedatt om Heiane og Tveito. Kjempefin rundtur!

         11km
Ettermiddagstur til Ingebjørgnuten frå Stokksel. Vindpåvirka, tung og ustabil snø, så i dag gjekk det i forsiktig sniglefart både på turen opp og nedatt. Observerte fleire store naturlig utløyste flakskred i området opp mot Nonfjell og i retning mot Stokkseldalen.

         14km
t/r Solsæ i nypreppa skispor.

      ↑620m    6km
Nonfjell frå Stokksel. 2-3 cm nysnjo.

  
Osafjorden
Mange timar på isen i dag. Blank stålis og eventyrlige forhold!

  
Skøytetur på Osafjorden i ubeskriveleg flotte isforhold!
      ↑1045m    11km
Hestestodnuten (1362m)
Starta frå Espelandsdalen litt før kl 15 i ettermiddag og rakk akkurat dei siste solstrålane frå toppen. Kraftig nok lys frå solnedgang på returen til at hjelmlykta kunne bli værande i sekken.

      ↑885m    9km
Brattenuten (1209m) frå Espelandsdalen
Ny flott ettermiddagstur til Brattenuten. Fortsatt bra føre, sjølv om skogslia og flanken opp mot toppen begynner å bli litt vel oppkøyrd no.

      ↑885m    9km
Brattenuten (1209m) frå Espelandsdalen
Flott vinterdag! Sol og vindstille. Litt meir vindpåvirka enn for eit par dagar sidan, men framleis flott føre heilt opp. I dag kunne ein verkeleg nyte utsikta frå toppen med ein lang god pause. Sola varma godt, og det var knapt eit vindpust på heile turen.
Gjekk med dei tunge breide Kuro-skiene i dag, ei ski som fungerer kjempebra når det er litt vekslande pudderføre.


Hestastodene (frå ca 1000moh). Filma av Rikoll

      ↑885m    9km
Brattenuten (1209m) frå Espelandsdalen.
Flott tur i låg ettermiddagssol, med nedkøyring akkurat i det sola forsvant i horisonten. Hestastodene (dalen opp mot Brattenuten) ligg godt skjerma for vind i alle retningar, med pudderføre nesten heilt til topps. Iskaldt på toppen, så det vart ikkje lange pausen. Kunne stå på ski heilt nedatt til bilen i dag.

      ↑580m    8,5km
Starta frå Havås med plan om å gå til Nesheimshorgi, men pga ustabil snø og avblåst oppover Nautastien snudde me og skrei ned i lia mot Krokavatnet.

      ↑1220m    11km
Oksen (1241m) frå Djønno
Med gårsdagens tur friskt i minne hadde eg eit håp om like bra føre i dag. Men den kraftige austavinden hadde omgjort gårsdagens pudderføre opp frå Oksetjørn-Oksen til mjuk fokksnø og småskavler. ryggen opp til toppen var nesten ikkje gjenkjenneleg sammenligna med i går, og sporet var knapt synleg. Fortsatt perfekte forhold i lia ned mot Djønno!
      ↑1220m    11km
Oksen (1241m) frå Djønno
Prøvde ei ny Oksen-rute for min del i dag, frå Djønno opp Kvelpadalen til Oksetjørn og vidare til toppen. 20cm fjørlett pudder, jamnt snødekke og drømmeføre heilt til topps! Det har lagt seg bra med snø vest på Oksenhalvøya og ned austflanken, heilt upåvirka av vind. Havna i tett bjørkeskog mellom 400-600moh, så litt knoting vart det, men ellers var nedkøyringa berre ein fryd (sjølv om det var iskaldt nedatt frå toppen).
      ↑870m    8km
Ettermiddagstur til Smøreggi og Grostøl i 30cm "skogspudder".
      ↑890m    10km
Ingebjørgnuten (1210m) frå Stokksel
På pudder- og nordlysjakt til Ingebjørgnuten, med måneoppgang akkurat i det me nådde toppen. Sjå dei flotte bildene til Audun Brekke frå turen på www.tur.tips

JANUAR 2021

      ↑1080m    15km
Horndalsnuten frå Skaftedal. Fine snøforhold, men flatt lys, så det vart forsiktige svingar nedover fjellsida. Heldigvis forsvant skodda som låg tjukk nedover elvedalen.

      ↑930m    12km   2:35t
Ettermiddagstur til Ingebjørgnuten (1210m). Nedatt nordaust-flanken i 5-10cm jamnt pudderføre, så i retning Nonfjellshytta der det øker på til minst 50cm skogspudder - nok snø til at ein kan ha litt fart og flyt nedover lia!
"Normalruta" opp er meir utsatt for stein, mens snøsålen er langt bedre om ein velger dei små dalsøkka som har vert skjerma for vind.

      ↑1250m    12km
Grimsnuten (1225m) frå Nesheim i Ulvik
Ettermiddagstur til Grimsnuten i 20cm perfekt pudderføre heilt til topps. Sola varma godt og snøen var merkbart "raskare" (bedre gli) enn det har vert dei siste dagane! Litt lite snøunderlag dei siste 150 høgdemetrene, men ellers bra. Denne søraust-vendte flanken har stort sett vert skjerma for vinden som har herja dei siste vekene. Flott nedkøyring i artig og variert terreng heilt nedatt til Grønskål (400moh).
Forrige gong eg (og Leif-Johan) gjekk denne turen var for omlag 5 år sidan (https://turogfoto.no/foto-blogg/nesheim-grimsnuten).

      ↑680m    6km
Formiddagstur til Nonfjell (950m) frå Stokksel
Rakk ein kort formiddagstur til Nonfjell. Nedkøyring i den flotte skogslia forbi Nonfjellshytta. Kjempefint føre i skogen!
Audun, Robert, Anders og Stian fortsatte til Ingebjørgfjellet.

      ↑1260m    11km
Oksen(1241m) frå Hamre
Ny flott kveldstur i enno litt bedre føre og 5 cm glitrande nysnø heilt til topps! Kraftig fullmåneskin over fjorden og fjella rundt meg og ikkje eit vindpust på toppen. Eit par nye riper i skiene i kveld, men det var det verdt!

      ↑1260m    11km
Oksen(1241m) frå Hamre
Sein ettermiddagstur til Oksen. Kunne på med ski allereie ved Seljesete og fekk såvidt nådd att sola før den gjekk ned i fjorden. Kjempeflott pudderføre oppover i skogen, og overraskande fint vidare til topps, med mjuk fokksnø og langt mindre avblåst enn forventa. Kanskje ein av mine aller finaste kveldsturar langs denne ruta! Måneskin og stjerneklart, så i kveld var det ikkje nødvendig å bruke hovelykta på veg opp.

      ↑910m    10km
Ingebjørgnuten(1210m)
Strålande vinterdag med tur til Ingebjørgnuten frå Stokksel! Sol og vindstille på toppen. 30 cm mjuk pudder i Nonfjellskogen.

      ↑920m    9km
To turar i skogen opp til Nonfjell. Nye 30cm nysnø. Flotte forhold i skogen, med måneskin og snøtunge tre.

      ↑620m    6km
Nonfjell frå Stokksel. 20-30cm nysnø. Stor skredfare, med tung nysnø oppå svakt nysnølag, så best å halde seg i slakt skogsterreng.

      ↑1010m    12km
Midtfjell (1255m) frå Sjusete
Ettermiddagstur frå Sjusete til Midtfjell i Ulvik rett etter jobb. Svært variabel sikt med tette snøbyger på turen opp, men heldigvis vart det nokon minutt med fjordutsikt frå toppen og god sikt på (nesten) heile nedkøyringa.

      ↑1320m    14km
Kveldstur frå Bavallen til Kvilehytta (med nedkøyring i utforløypa) og ein tur til Hangurstoppen. 5-10cm nysnø og kjempeforhold!

      ↑680m    5km
Stokksel - Nonfjell. Snudde på ca 1000moh. Fint føre i skogen, men veldig avblåst vidare oppover.

      ↑720m    6km
Morgontur i soloppgang frå Bavallen til Slettafjellet

         13km
Skitur Haugseåsen-Vatnasete-Maovatnet-Tveito-Haugseåsen. Vinterens kaldaste dag hittil.

      ↑1130m    15km
Horndalsnuten (1461m)
Ettermiddagstur til Horndalsnuten frå Skaftedal. Eva tok pause i sola, med kakao og skulebolle, i fjellsida ovanfor Steinhytta, mens eg fortsatte til toppen for å rekke dei siste minuttene av solnedgangen.
      ↑1020m    14km
Ingebjørgnuten (1210m)
Kveldstrim til Ingebjørgnuten med Audun. Avblåst (og steinete) frå Nonfjell og opp, men langt bedre snøforhold i skogen/under tregrensa. Ein fin tur vart det likevel (sjølv om det sikkert vart nokon nye riper under skiene i kveld òg). Stjerneklart og kaldt!

         15km
Skitur t/r Solsæ frå Drevtjørn

      ↑480m    7,5km
Kveldstur frå Vambheim til Frystetjørn og eit stykke vidare opp lia mot Øvstestølen. 40cm tørr pudder og reine julekortstemninga i skogen.

      (skøytetur)    20km
Skøytetur på perfekt stålis (målt til 14 cm) over øvre del av Granvinsvatnet. Å suse over isen på lengdeløpsskøyter i så flotte forhold er nesten like artig som å gå toppturar..

      ↑790m    9km
Langahorgi (1149m) frå Tråstølen
Tor-Einar inviterte til morgontur i dag tidleg før jobb. Kjempefint pudderføre ned dalen sørvest for toppen i nydeleg ljos frå soloppgangen! Ein flott start på morgonen.

      ↑1340m    13km
Skreieggi (1324m) frå Lund
Flott vinterdag og to turar i strålande føre. 16 minusgrader nede ved parkeringa, men likevel så varmt i sola at me kunne gå i berre ulltrøya på veg opp.

      ↑1040m    17km
Sein kveldstur til Horndalsnuten (1461m) frå Skaftedal. Kaldt og stjerneklart. I det eg hadde passert steinhytta kom eit svakt grønt belte av nordlys til syne på himmelen, før det forsvant like etterpå. Kald nordavind på toppen, så det vart kun tid til ein kort pause for å dekke seg til med dunjakke, buff, skibriller og ekstra ull, før nedkøyringa til Skykkjeset - i ljoset frå hjelmlykta og med full musikk på øyret.

      ↑910m    11km
Brattenuten (1209m) frå Espelandsfossen
Ettermiddagstur på sti til Botn og vidare på ski til Brattenuten. Rakk akkurat i siste rest av solnedgangen frå toppen.
      ↑1040m    17km
Kveldstur frå Skaftedal til Skykkjeset opp Elvedalen til Horndalsnuten (1461m). Fristelsen for ein kortreist, lett tilgjengelig kveldstur vart for stor også i dag. Glitrande stjerneklar himmel, glitrande snø og flotte forhold! Fleire godt synlige stjerneskudd for over himmel på turen opp, og "Orions belte" lyste klart midt i det enorme stjernebildet.
No begynner det etterkvart å bli såpass oppkøyrd ned frå toppen at det kanskje er på tide å finne ei ny rute..
      ↑1040m    17km
Horndalsnuten (1461m) frå Skaftedal
Sein ettermiddagstur til Horndalsnuten. Strålande pudderføre ned elvedalen! Stjerneklart og vindstille.
      ↑1620m    23km
Horndalsnuten (1461m) frå Skaftedal
Nydelege forhold og ikkje eit vindpust på toppen! Møtte på Audun rett ved Steinhytta, så då vart det ein ekstra tur - i flott solnedgang og (årets beste) pudderføre.