Februar 2020

      ↑940m   14km
Taskjelle - Nesheimshorgi (1133m)
Starta i regn og tung snø i skogen frå Taskjelle til Håtjørn i morgontimane. Vurderte ei stund å snu i det skodda kom sigande inn, men så plutselig klarna det opp og sola kom fram - akkurat i det eg nærma meg toppen! Fantastisk dagsfersk pudderføre ned frå toppen og vidare ned Nautastien. Litt våt snø under 600moh, men ikkje merkbart sugeføre.


      ↑760m   9km
Tidleg formiddagstur til Strutseggi (1133m) frå Liaset.
Kanskje vinterens flottaste pudderdag til no. Vakkert lys i morgontimane opp mot Olavstøl. Fløyelsmjukt nysnjoføre heilt til topps!


      ↑850m   12km
Formiddagstur til Ingebjørgnuten (1210m).
Kom akkurat opp i det tåka letta og sola kom fram. Djup pudder ned frå Nonfjell, vindpåvirka og fokksnø vidare oppover. Flott på på toppen i dag, nesten ikkje eit vindpust.


      ↑400m   5km
Stokksel - Nonfjell i rundt ein meter med nysnjo!


      ↑500m   6km
Bavallen-utforløypa. Eit solid og etterlengta påfyll med snø i kveld - minst 30cm i utforløypa.

      ↑920m   9km
Oksen (1241m) frå Tjoflot
Ettermiddagstur frå Tjoflot til Oksen. Nesten fritt for snø rundt stølen på Vindhovden, så me måtte gå eit lite stykke vidare før me kunne ta på oss skiene. Jamnt og fint skareføre opp fyrste del av Oksebrekkene og antydning til slusjføre (om ein legg godvilja til..). Kombinasjonen kulde, mildvær, regn og vind hadde ført til isdannelser/istapper vidare oppover mot toppen. Eit fascinerande syn.. og sjølv med skarejern var det tidvis utfordrande å komme seg opp den siste bratte kneiken.
Etterkvart la det seg eit tjukt skoddehav over Hardangerfjorden i det sola gjekk ned. Stemningsfullt og vakkert med fullmånen på veg opp over toppen og solnedgangen i skoddehavet på turen nedatt!
      ↑1010m   18km
Lønahorgi (1410m) frå Tråstølen
Ettermiddagstur til Lønahorgi rett etter jobb. Nådde akkurat i siste rest av solnedgangen ved Horgaletten. Nystrigla løyper heilt opp og strålande nysnøføre i sporet nedatt!
      ↑920m   12km
Ingebjørgnuten (1210m) frå Stokksel
Ettermiddagstur til Ingebjørgnuten. Nydeleg vær den første timen opp mot Nonfjell før vinden bestemte seg for å øke i styrke. Likevel heilt greit føre nedatt med mjuk fokksnø oppå skaren.
      ↑850m   10km
Strutseggi frå Liaset
Møtte tilfeldigvis Audun på parkeringsplassen og han hadde samme turplan som meg i dag. Stort sett bra føre heilt opp, men litt meir vindpåvirka enn det har vert dei siste par dagane.
      ↑1450m   16km
Horgaletten frå Bavallen
Plutselig væromslag i ettermiddag med opplett, kuldegrader og rykande fersk nysnø, akkurat som yr og storm hadde meldt. To turar til toppen. Flott solnedgang, stjerneklart og måneskin.