31.desember      ↑1160m   15km

Horndalsnuten (1461m) frå Skaftedalen

Låg desembersol og kjempeflott pudderføre frå toppen ned elvedalen mot Steinhytta, og vidare ned det siste stykke mot Skykkjeset. Og akkurat nok snø til å kunne stå på ski heilt nedatt til parkeringa. Litt slalomkøyring mellom steiner og kratt, men stort sett langt bedre forhold enn forventa i dag.

30.desember   (truge-/broddetur)   ↑760m   8km

Stavaskarsnuten (1258m)

Flott fullmånetur frå Olavstøl til Stavaskarsnuten, med innlagt sjokoladepause på toppen!

28.desember      ↑1090m   17km

Lønahorgi (1410m) frå Tråstølen

Flott føre ned frå Horgaletten i kveld!

26.desember      ↑1010m   14km

Midtfjell (1255m) frå Sjusete

Flott vinterstemning med 20-30cm nysnø heilt opp. Litt tynn snøsåle der vinden har tatt mest, men ellers kjempefint føre. Spesielt flott ned den store bollen frå toppen. Var heldig og kom opp samtidig med at det stoppa å snø, så sikta nedatt var på topp.

25.desember      ↑780m   10km

Øyastølsfjellet (1342m)

Formiddagstur til Øyastølsfjellet i Jordalen i kjempeflott vær- og føre.

24.desember      ↑350m   3km
Juletrimtur frå Nesheim opp lia til Bilde (450m)

23.desember      ↑1090m   17km

Lønahorgi (1410m) frå Tråstølen

Førjulstur til Horgi i det som omsider begynner å minne om vinterlige forhold, med kuldegrader og tørr nysnø. Stort sett bra pudderføre/mjuk fokksnø heilt til topps!

21.desember      ↑650m   7km

Horganipen (1035m)

Ettermiddagstur opp Horgastien til Horganipen. Full snøstorm og null utsikt frå toppen.

---

Havørn over Granvinsvatnet 18.12.2020

18.desember      ↑1090m   17km

Lønahorgi (1410m) frå Tråstølen

Stemningsfullt ljos frå Horgi i kveld, og ekstra flott å komme nedatt gjennom den tjukke skodda med Voss sentrum som lyser opp i bakgrunnen.
Skiføret derimot var ikkje mykje å skryte av.. plussgrader og tung våt nysnø heilt opp.

17.desember      ↑1241m   

Hamre - Seljenuten - Oksen (1241m) - Nuten - Hamre

Fin trimtur og rundtur til Oksen. Eg på ski og Eva på truger. På turen nedatt sikta me oss inn mot Nuten, og sjølv med begrensa med snø kom me oss nesten heilt ned før me måtte av med ski og truger, og kunne fortsette på sti dei siste 600 høgdemetrane ned til Hamre. Nokre fine svingar vart det og mulig å få tatt. Nysnø på toppen og slusjføre lenger nede.

15.desember      ↑610m   
Kveldstur til Horgaletten frå Tråstølen. Tett snødrev og 20cm nysnø øvst.

13.desember      ↑1620m   19km

Finnbunuten (1358m) frå Myrkdalen

To turar til toppen. Kjempeflott føre både i og utanfor løypa. 11.desember      ↑1180m   17km

Lønahorgi (1410m) frå utforløypa

Så var sesongens fyrste Lønahorgi-tur unnagjort! Vindfullt, men etter forholdene bra føre (med mjuk fokksnø heilt opp) og ikkje så avblåst som frykta. 9.desember      ↑960m   12km

Midtfjell (1255m) frå Sjusete i Ulvik

Flott kveldstur til Midtfjell. Frå Sjusete opp til ca 600moh var det ingen snøsåle men kun eit lite nysnø-/frostlag oppå frossen myr. Vidare oppover til toppen økte det på med snø, og det vart etterkvart veldig bra pudderføre. Dei seks reinsdyra på Oksenhalvøya dukka plutselig opp rett før toppen og bidrog til litt ekstra julestemning i kveld! Artig "skogskøyring" ned den slake lia mot Sjusete i flott nysnøføre.

5.desember      ↑1010m   13km

Fyresnipa (Jordalen)

Litt flatt lys på nedkøyringa, men langt bedre pudderføre enn forventa i dag. 4.desember      ↑870m   11km

Ingebjørgnuten (1210m)

Sesongens fyrste kveldstur og hovelykttur til Ingebjørgnuten. Kunne starte på ski frå Nonfjellshytta. Vidare oppover var snøsålen og føret bedre enn forventa, sjølv om vinden hadde fjerna det mesta av nysnø. 1.desember      ↑1470m   20km

Onen (1620m) frå Osafjellsvegen

Strålande pudderføre med 10-15cm nysnø heilt til topps! Prøvde ei ny og flott rute i dag, frå Austdølvatnet sørvest mot Onen. Då kortar ein inn turen ein del, får finare nedkøyring, og unngår å måtte av og på med fellene så ofte.

29.november      ↑870m   7km

Finnbunuten frå Myrkdalen

Me snudde rett før toppen pga tjukk skodde og whiteout.
27.november      ↑1630m   25,5km

Onen (1620m)

20cm nysnø og kjempeflotte forhold! Slo opp teltet rett ved Langavatnet torsdag kveld, og starta tidleg nok til å få soloppgangen frå toppen.
20.november      ↑1250m   21,5km

Onen (1620m)

Starta frå Viermyr (ca 800moh) i morgontimane og fulgte Osafjellsvegen vidare oppover. Det var i minste laget med snø i starten, men med litt strategisk rutevalg var det akkurat god nok snøsåle til å sleppe å måtte være altfor redd for skiene.
Var maksimalt heldig med været; Skodda forsvant omtrent i det minuttet eg kom til toppvarden (akkurat som YR hadde meldt). Ubeskriveleg flott vinterstemning med skoddehavet som låg tjukk rett under toppen. Etter ein lang pause i sola forflytta skodda seg oppover slik at sikta vart bra på turen nedatt.
16. november      ↑1250m   8,5km

Eggjenibba (1338m)

Formiddagstur i nydeleg vær til Eggjenibba, eit fjell ein ikkje kan unngå å legge merke til når ein køyrer gjennom Byrkjelo. 15. november      ↑820m   8km

Bispen (1462m)

Bispen reiser seg rett opp frå Trollstigen og er eit lett tilgjengeleg fjell, med litt klyving siste høgdemetrene opp mot toppen. Langstrakt og flott utsikt mot alle Romsdalsfjella, Molde og Norskehavet. 14.november      ↑1340m   15km

Mølvafjellet (1215m)/Romsdalseggen frå Åndalsnes

Starta frå Åndalsnes sentrum og snudde på det høgste punktet langs ruta. Ein av klassikarane i Møre og Romsdal som byr på spektakulær utsikt over Romsdalstindane. 13.november      ↑1680m   13km

Slogen (1564m)

Rute: Øye - Slogen - Patchellhytta - Øye
Flott tur til ein av Sunnmørsalpenes mest populære fjelltoppar, likevel var det ingen andre å sjå langs ruta i dag.

12.november      ↑120m   10km
Joggetur til Hamre

11.november      ↑190m   13km
Haugseåsen - Vatnasete - Hauseberget/"utsiktspunktet". Bilen viste 11 varmegrader ved parkeringa på Haugseåsen i kveld..

9.november      ↑1200m   11km
Oksen (1241m) frå Hamre

8.november      ↑470m   6km
Jonshorgi (643m) frå Rasdalen

7.november      ↑650m   8km
Opp lia til Njuk.

6.november      ↑1130m   11km

Rossnos 1407m

Ettermiddagstur til Rossnos frå Freim. Flott utsikt over Odda, Folgefonna-breen og Sørfjorden! Vakkert lys med skodda som kom og gjekk over toppen. 5.november      ↑190m   5km
Frå Haugseåsen til "utsiktspunktet" 2.november      ↑510m   16km
Kveldstur opp Vindalsvegen til Vatnasete. Søkkvått, så måtte sykle slalom mellom sølepyttene langs kjerrevegen til Vatnasetevatnet.

31.oktober      ↑1080m   17,5km

Onen (1620m)

Starta grytidleg, i flott soloppgang og fullmåneskin, og fekk utnytta finværet som var meldt i formiddagstimane. Relativt god snøsåle frå parkeringa (ca 950moh) og heilt til topps, med nokre cm med nysnø oppå skaren.
29.oktober      ↑920m   11km
Kveldstur og trugetur til Ingebjørgnuten (1210m).
20cm nysnø og perfekte snøforhold for smale og lette truger.

27.oktober      ↑430m   9,5km
Stirunde Haugseåsen-Vatnasete-Snaueggi-Maovatnet-Heiane-Haugseåsen

26.oktober      ↑510m   16km
T/r Litlastøl

25.oktober      ↑460m   5km
Tur til Tingsteinen frå Skaftedalen. Me tok oss og tid til å rydde vekk litt greiner og busker i traseen (som forhåpentligvis kan tas i bruk med ski på beina i vinter).

24.oktober      ↑1180m   14,5km

Midtfjell (1255m)

Fine kontrastar med haustfargar ved fjorden og nysnø på toppane. Vinteren rykker stadig litt nærmare!

23.oktober      ↑890m   11km

Kvasshovden (1030m) frå Espelandsdalen

Fin tur via Geiturdi til Kvasshovden, men ei lokal kortvarig snøbyge på toppen gjorde til at utsikta vart minimal.

22. september      ↑640m   26km
Rundtur Vatnasete-Vetlavatnet-Tveito-Eide

21. september      ↑510m   16km
t/r Vatnasete i eit par timar med opphaldsvær.

19.oktober      ↑1280m   10km

Oksen (1241m) frå Hamre

Flotte forhold med frosne myrer og tørre svaberg, og ikkje eit vindpust på toppen.

18.oktober      ↑980m   9km

Brattenuten (1209m) frå Espelandsdalen/Espelandsfossen

Gjekk opp Hestestodene til Brattenuten. Rett ved toppvarden letta det ein kongeørn. I over ein halvtime sirkulerte den over toppen, og var berre 50-100 meter ifrå meg på det nærmaste.

17.oktober      ↑230m   5km
Jobykse - Tunheim (Ulvik)

16.oktober      ↑430m   13km
Flott joggetur i låg ettermiddagssol. Rute: Vatnasete - Angerskleiv - Fuglavatnet - Vetlavatnet - Haugseåsen.

15.oktober      ↑1080m   13km

Håsetekolla (1030m)

Rute: Alsåker-Aldal-Kumlevatnet-Håsete-Håsetekolla (1030m) - Alsåker

14.oktober      ↑230m   9,5km
Rundtur Vatnasete-Vetlavatnet-Haugseåsen.

13.oktober      ↑970m   13km
Midtfjell (1255m)
Kveldstur til Midtfjell. Kom opp til den siste halvtimen av solnedgangen frå toppen, og kveldsljoset varte lenge nok til at eg kom meg nedatt uten å ta fram hovelykta. Ein flokk på 14 vinterkledde fjellryper og ein stor grå hare dukka opp rett før toppen!

12.oktober      ↑1220m   11,5km
Oksen (1241m) frå Hamre (via Seljenuten)
Ettermiddagstur i flott haustvær!

11.oktober      ↑1080m   12km
Ingebjørgnuten(1210m) frå Røynstrand

9.oktober      ↑880m   14km

Kjepsostølen (Ålvik)

Starta frå Kjepso og gjekk opp "stegane" - den kortaste og brattaste vegen opp frå Kjepsogarden (250moh) til stølen, så nedatt den T-merka stien til Ålvik - med panoramautsikt over Hardangerfjorden. Også denne garden var i 2008 med på "Der ingen skulle tru at nokon kunne bu" (Turen opp stølsvegen blir vist frå 24:10 i sendinga, og trestigane er no bytta ut i meir robuste stiger i stål/aluminium)

8.oktober      ↑590m   5km

Kjeåsen (Eidfjord)

Seinhausten er kanskje den aller finaste tida å gå denne turen, der stien no er dekka av eit tjukt teppe av haustlauv. I dag var det heller ingen turistar å sjå på denne ellers så populære turen, som mellom anna er kjent frå NRK-serien "Der ingen skulle tru at nokon kunne bu: " https://tv.nrk.no/serie/der-ingen-skulle-tru-at-nokon-kunne-bu/2002/PRHO70000402/avspiller 7.oktober      ↑1570m   24km

Vassfjøro (1633m) frå Sotenos/Solsæ

Rute: Sotenos - Solsæ - Jonstøl - Vassfjøro (1633m) - Vetle Vassfjøro - Horgo - Jonstøl - Sotenos.
Starta grytidleg i dag for å utnytte godværet som var meldt på formiddagen. Eit tynt skoddelag og kun korte gløtt med utsikt frå toppen, ellers perfekt haustvær, varmt og vindstille! 6.oktober      ↑1270m   16km
Fin rundtur opp lia til Njuk, så vidare til Horganipen/Horgastien, Grostøl og Nesheim.
5.oktober        
Kajakktur i Langavatnet på Osafjellet
4. oktober      ↑670m    15km
To stirundar Bilde - Nesheim.

3.oktober      ↑270m   10km
Stirunde: Haugseåsen - Vetlavatnet - Maovatnet - Angerskleiv - Vatnasete.
2. oktober      ↑1380m    13km
Oksen (1241m) / Veten frå Hamre
Gjekk opp via Seljenuten og ned den bratte stien frå Nuten til Hamre. Kraftig vind frå søraust og periodevis storm i kasta på toppen. Unormalt dårlig sikt dei fyrste timane av turen, noko som viste seg å være forårsaka avsvevestøv frå jordbruksområde i Aust-Europa 1. oktober      ↑480m    4km
Kveldstur i stien (gamle skulevegen) frå Bilde til Nesheim. Stort sett tørre, fine forhold!

28.september  
Ettermiddags-/kveldstur til Ingebjørgnuten og Verkadalsnuten i det som utvilsomt må ha vert den varmaste dagen til no i september. Lang og flott solnedgang på turen nedatt!

26.-28.september  

Vikafjellet (Kvilesteinsvatnet - Selhamarvatnet)

Flotte haustdagar på Vikafjellet, med turar og fisking i området mellom Kvilesteinsvatnet og Selhamar. Men sjølv etter utallige timar med fisking fekk ingen av oss så mykje som eit napp nokon av dagane. 25.september      ↑850m   9km

Horganipen (1035m) og Nesheimshorgi (1133m)

Fin rundtur opp Horgastien til Horganipen og vidare til Nesheimshorgi, så nedatt Nautastien. 24.september      ↑870m   8km

Seljenuten og Middagsvarden frå Hamre

Snudde like etter Middagsvarden då skodda la seg tett og sikta forsvant. 23.september      ↑170m   9km
Joggetur rundt Vatnasete og Maovatnet/Vetlavatnet i kveldssol og flotte haustfargar! 22.september      ↑870m   11km
Kveldstur til Ingebjørgnuten (1210m). Ein av dei få fjelltoppane rundt meg der skodda ikkje hadde lagt seg. 21. september      ↑270m   13km
Eit par stirundar i Bømoen. Fine forhold!

19-20. september  
Kajakktur i Espelandsvatnet

19. september      ↑570m   8km
Eg og Sigve på formiddagstrim opp Hangurslia til Hangursrestauranten (for å kjøpe is)! Nedatt om Raugstad. Nydeleg vær, men søkkvåte stiar.

16-18. september  

Vatnavatni og Fagerdalsnipi

Flotte haustdagar i Stølsheimen med telttur til Fagerdalsnipi (1245moh) og fiske i Vatnavatni. 10. september      ↑1980m   92km

Flåm - Finse (Rallarvegen)

Sykkeltur frå Flåm til Finse i friskt haustvær krydra med litt nysnø og eit par lokale sludd-/snøbyger mellom Hallingskeid og Fagernut. No er det kun 4-5 snøfonner att langs vegen, og fleire av dei kan syklast rett over. 8. september      ↑390m   12km
Stirunde Storåsen/Håmyrane
7. september      ↑620m   9km

Via Ferrata Straumsfjellet

Via ferrata opp den imponerande sørvestveggen på Straumsfjellet i Valle, Nord-Europas lengste rute av sitt slag. Ein mildt sagt luftig tur, med flott panoramautsikt over Otra-elva og Setesdalen.
6. september      ↑1080m   32km

Stisykling i Stabbestad (Kragerø)

Kjempefin stirunde med utgangspunkt frå Kragerø Resort. Lett blanding av tekniske stiar, svaberg, og kilometervis med flytsti gjennom skogen.
5. september      ↑350m   14km

Gumøy (Kragerø)

"Gumøya rundt". Stiane og kjerrevegane på Gumøy er idylliske og flotte, og sidan øya har mange beitedyr så er vegetasjonen åpen og stiane godt vedlikeholdt.
4. september      ↑850m   24km

Gautefall (Nissedal)

Fin stirunde på sva og flytsti, og over utallige tilrettelagte klopper.
2. september      ↑690m   7,5km
Kveldstur til Velkesfjellet
1. september      ↑650m   7km
Sandfjellet frå Gjelle. Haustklar luft og flott rosa himmel etter solnedgang.

31.aug      ↑1090m   13km

Olsskavlen (1576m) frå Olavstøl

Flott kveldsstemning med solnedgang over Hurrungane og Lønahorgi i nord, og måneoppgang i aust

28.aug      ↑1280m   12km
Lønahorgi (1410m) frå Eenstunet.
Sol, varmt og vindstille, med ein lang pause i kveldssola på toppen.

27.aug  
Espelandsvatnet. Ein liten fisketur, men ikkje så mykje som eit napp.
26.aug      ↑1380m   29km

Dronningstien frå Lofthus til Kinsarvik

Starta frå Lofthus opp Frøyneslia sør for Opo-elva og vidare over Dronningbrua, så på Dronningstien over til Kinsarvik (og på sykkel tilbake til Lofthus). Lang, flott solnedgang som fulgte meg over fjella på vestsida av Sørfjorden. Det er nesten vanskelig å halde fokus på stien når ein har utsikt mot heile Sørfjorden og Folgefonna, med solnedgangen som bakgrunn. Knapt eit vindpust på heile turen. Dette turmålet har vert svært populært i sommar og har hatt flest visningar på UT.no, men i kveld møtte eg faktisk ingen andre langs stien..
---------------------
Flott himmel i morgontimane over Espelandsdalen på veg til jobb
25.aug      ↑880m   9km

Kvasshovden (1030m) frå Liaset

Antydningar til haustfargar i fjellet.
24.aug      ↑980m   9km
Klondyke (1090m) frå Een. Høstlig og kaldt, med ei veldig lokal og kortvarig snøbyge på toppen.
23.aug      ↑620m   17km
Opp Vindalsvegen til Vatnasete og tilbake om Litlastøl og Hause, med ein liten avstikkar til "utsiktspunktet".
22.aug  
Espelandsvatnet
21.aug      ↑520m   7km
Formiddagstur til Horganipen. Bratt opp Horgastien og nedatt Midtstien.
20.aug  
Bjørnebærplukking på Hamre
19.aug  

Skorvofossen

18.aug      ↑270m   10km
"Stirsdag": Haugseåsen - Vetlavatnet - Maovatnet - Angerskleiv - Vatnasete.
Stirunde frå Haugseåsen til Angerskleiv med eit avkjølande bad i Vatnasetevatnet.


Stemningsfilm frå kveldens tur: Tor-Einar N. Wahl

17.aug      ↑1950m   25km

Raundalsryggen (Skaftedal - Horndalsnuten- Skipadalsnuten - Seldalsnuten - Olsskavlen - Olavstøl)

Starta rett etter jobb og gjekk Raundalsryggen frå Skaftedal til Olavstøl. Vart sittande nesten ein times tid på Olsskavlen i lang og flott solnedgang!
16.aug      ↑1030m   13km
Kveldstur til Olsskavlen(1576m) frå Olavstøl. Blikkstille og varmt på toppen.
15.aug      ↑1080m   38km
Flott sykkeltur i strålande vær opp til Vatnasetevatnet og Angerskleiv, så tilbake om Vetlavatnet/Tveito. Vidare til Bilde og på sti ned til Nesheim. Stoppa og tok eit langt og avkjøland bad i kvart av dei tre vatna eg sykla forbi. Til og med Vatnasetevatnet hadde lunka temperatur i dag.
14.aug        
Kveldstur og fisketur til Maovatnet (Tveito)
13.aug        
Espelandsvatnet
12.aug      ↑830m   7km
Rute: Espelandsfossen - Botn - Brattenuten (snudde på ca 1100m).
Gjekk stien opp til Botn og vidare bratt opp lia til Brattenuten, med flott panoramautsikt over Espelandsdalen.

11.aug      ↑430m   11km
"Stirsdag" Storåsen/Håmyrane.

10.aug     

Kaupanger og Molden(1116m)

Petter inviterte til ein dag med stisykling i Sogndal. Me starta med eit par rundar i området rundt Amlaholten/Kaupangerskogen og avslutta kvelden med ein flott tur i solnedgang ned frå Molden(1116m), ein av klassikarane i indre Sogn.
9.aug     

Vesle Vassfjøro(1253m) frå Sotenos/Solsæ

På kveldsbesøk til Jo Bjørnar som skulle telte rett under Vassfjøro og fortsette vidare til toppen neste morgon, mens eg reiste nedatt rett etter solnedgang. Sykkelturen nedatt stien frå Jonstøl vart litt i overkant spennande.. i skumringa og i mørket.. men det svake kveldsljoset var akkurat nok til å kunne sjå konturane av noko som ligna på sti.
8.aug      ↑1330m   12km

Kveldstur til Lønahorgi (1410m) frå Een

Kanskje ein av dei finaste turane eg har hatt opp via Klondyke til Lønahorgi. Skodda og nordavinden ga seg etterkvart, og kveldssola varma nok til at eg kunne gå i shorts og t-skjorte nedatt frå toppen.
6-7.aug      ↑1310m   20km

Oksen (1241m) frå Selstad

Starta frå Selstad og gjekk den merka ruta via Oksetjørn til Oksen. Kanskje den aller finaste, men likevel minst brukte stien opp. Fekk akkurat dei siste 10 minuttene av solnedgangen frå toppen. Nedatt neste morgon om Seljenuten, Hamre og på grusveg dei siste kilometrene til Selstad. Fin rundtur, sjølv om sola kun viste seg med små glimt!
5.aug      ↑580m   18km
Tur/retur Vatnasete. Vått og grått!

Uten navn 3abrekke vatnaset

4.aug      ↑1190m   16km

Kveldstur til Horndalsnuten (1461m) frå Skaftedal

Vurderte å snu på "Vesle Horndalsnuten", der skodda låg tjukk vidare oppover, men fortsatte likevel dei siste 200 høgdemetrene til topps. Utsikta var tilnærma lik null. Litt småsurt å oppdage at skodda letta og siste rest av solnedgangen traff toppen i det eg var nede att ved parkeringa.
3.aug      ↑1290m   10km

Rossnos (1407m)

Flott ettermiddagstur frå Freim til Rossnos (1407m), eit av dei aller finaste utsiktspunktene i Odda. Me får inderlig håpe at den planlagde "supergondolen" til Rossnos i Odda aldri blir realisert. Den vil utvilsomt øydelegge både utsikten og den flotte turopplevelsen.
2.aug      ↑710m   20km
Tur/retur Angerskleiv.
Shortsvær og sol på turen opp, øsande regnvær på veg nedatt..!
1.aug  

Tyssedalsstølen og Tyssedalsnuten(1065m) frå Sotenos i Ulvik

Flott tur innover Tyssedalen, som går gjennom grønt og frodig terreng med godt utsyn over fjell og mektige fossefall kvarhen ein snur seg innover dalen. Tyssedalsstølen ligger idyllisk til rett ved vatnet.

29.juli     
Seljenuten frå Hamre
28.juli     
Kveldstrim frå Hallanger bratt opp stien til Midtfjell (1250m). Nedatt til Stokksel (om Olsskar og Dosafjellet). Ein kjempefin tur!
27.juli     
Formiddagstur på nymerka sti frå Djønno til Stokkrå.
24-25.juli      ↑1080m    19km

Velkesfjellet og Kvasshovden

Slo opp teltet mitt rett ved Svortetjørn like før solnedgang, og starta grytidleg neste morgon til Kvasshovden for å rekke soloppgangen. Blikkstille og varmt på toppen. Etter ein lang frukost tok eg turen nedatt til Svortetjørn for å prøve fiske. Mykje vak og innsektliv på vatnet, men lite bitevillig fisk.
23.juli      ↑1590m    24km

Stokksel - Ingebjørgnuten (1210m) - Dalsete - Midtfjell (1241m) - Stokksel

Flott rundtur om Ingebjørgnuten og Midtfjell, to av dei finaste utsiktspunktene i indre Hardanger. Shortsvær heilt til topps!

18.-22.juli      87km
Rute: Haugastøl-Krækkja-Hovden-Raudhelleren-Sandhaug-Hedlo-Hjølmo
Flott tur i variert landskap og storslått natur over Hardangervidda, frå Haugastøl i aust til Hjølmo i vest.

17.juli     
Årets fyrste moltetur resulterte i eit par håndfulle molter (og litt blåbær og markjordbær).

16.juli      ↑1370m   29km
Vassfjøro (1633m) frå Sotenos/Solsæ
Starta grytidleg frå Sotenos, før soloppgang og før sola hadde gjort snøen opp mot toppen for blaut å gå på. Stod på Vassfjøro klokka 09, til morgonfrukost og kaffi - med panorama fjellutsikt. Det er fyrste gong eg har gått denne turen der eg kunne skri sammenhengende på rumpa frå toppen og heilt ned til "Skaret"(ca 1200moh). Flott tur i nydeleg vær!
15.juli      ↑450m   7km
Jonstøl frå Ulvik

12.juli      ↑810m   9km
Rute: Såkvitno-Njuk-Vatnadalen-Krokavatnet-Lyklaset-Bulko
Fin tur frå Såkvitno over fjellet til Bulko. Me gjekk i tett regnvær fyrste timen opp lia til njuk (noko som resulterte i søkkvåte sko resten av turen). Sola (og varmen) kom etterkvart fram, og skyene letta litt i det me passerte idylliske Vatnadalen og Krokavatnet.
9.juli      ↑1630m   19km

Holmaskjer(1562m) frå Tokheim

Sein kveldstur til Holmaskjer frå Tokheim i Odda. Kom meg ikkje på toppen før midnatt, men vart belønna med nydeleg solnedgang og måneskin på turen opp. Etter eit par timar pause på toppen hadde det frosset på, og snøen var betydeleg lettare å gå på nedatt. Blåtime og soloppgang i morgontimane. Sykkelen hadde eg satt ifrå meg nede ved Støladalen, og derifrå var det berre å trille nedatt Keiserstien dei siste 900 høgdemetrene til parkeringa.
8.juli      ↑590m   7,5km
Opp Horgastien til Horganipen (1065m), eit av dei flottaste utsiktspunkta over Granvinsvatnet. Me bomma litt med timinga på toppen i dag, nede att ved Håtjørn klarna det plutseleg opp og sola kom fram.
7.juli        8km
Flott tur på gamle vegar og stiar; Jørdre - Kolskår - Skaftedalen.
5.juli      ↑680m   10km
Bratt opp Lia på den nymerka stien/gamlevegen til Njuk, så nedatt traktorvegen. Regnfullt og vått!
4.juli      ↑930m   18km
Sykla til Velken og opp skogsvegen til Heller (der eg møtte på Magnhild og Ollie), så vidare til fots til Lyngerstjørn og tilbake om Vardhellerane, eit fin-fint utsiktspunkt over fjorden og Granvinsvatnet!
3.juli      ↑1080m   16km

Onen (1620m) frå Austdølvatnet

Med rapportar om nysnø i høgfjellet og gode værmeldingar utover kvelden blei fristelsen for stor, og skiene vart henta fram att!
Minst 20-30cm nysnø frå parkeringa og heilt opp, og fortsatt såpass bra såle at det lot seg gjere å gå sammenhengande uten å ta av skiene. Litt gjennomslagsføre under 1200moh, men tørr snø og strålande føre vidare oppover mot toppen. I staden for å følge brearmen gjekk eg bratt opp sørvest for Kvilingavatnet. Denne ruta kortar inn turen litt, samtidig som ein får langt bedre nedkøyring på veg tilbake. Starta turen i tjukk skodde og overskya, men fire timar seinare (i det sola gjekk ned) var det knapt ei sky å sjå på himmelen!

1.juli      ↑710m   20km
Kveldstur t/r Hedler og Vatnasete

30.juni      ↑440m   17km
På diverse stiar og kjerrevegar i Ulvik (Åsen-Jobykse-Tunheim)
28.juni      ↑1040m   53km
Granvin - Bulko - Helgaset - Allmenningane - Folkedal.
Flott rundtur på det som kanskje er den finaste "høgfjellsvegen" på Voss, med svabergsykling, flytsti, grov sti og grusveg. Men og eindel knoting, med bæring av sykkel og kryssing av elver. Kvanndalselva var såpass stor i dag at den ikkje lot seg krysse der T-merkinga går (pga sterk straum). Heldigvis gjekk det an å komme seg over elva litt lenger oppe, men med vatn opp til livet, og sykkelen på slep. Alternativet hadde vert å snu, og dermed gått glipp av den artigaste delen av stisyklinga ned mot Helgastøl. Då frista det langt meir med eit ufrivillig "bad" i elva! 27.juni  
Formiddagstur til Seljenuten.

26.juni  
Tur frå Kvanndal opp sherpastien til Kvanndalsstølen, Lussandstølen og nedatt til Lussand. Flott tur i nydeleg sommarsvær!

25.juni      ↑1010m   42km
Rute: Over Angerskleiv til Ulvik. Tilbake om Ljono, Solsævatnet og Espelandsdalen.
Høg lufttemperatur og dermed eindel fluger og klegg som slo følge på deler av turen, så i dag vart det ikkje mindre enn fire avkjølande og oppfriskande bad langs ruta; Vatnasetvatnet, Ulvikafjorden, Espelandsvatnet og tilslutt Granvinsvatnet!

24.juni      ↑830m   27km
Kveldstur opp Krokavassvegen til Olastøl der det vart ein lang, god pause og eit avkjølande bad i Ormtjørn, med godt over 20 varmegrader i vatnet! Sykla om Bilde og stien til Nesheim på turen tilbake.

22.juni      ↑530m   24km
Opp Tveitovegen til Vetlavatnet og vidare til Vatnasete. Tilbake om Haugseåsen og på den fine stien ned til Hause.

20.juni      ↑520m   24km
Opp Vindalsvegen til Vatnasete. Tilbake om Maovatnet/Vetlavatnet og Tveito.

19.juni      ↑1090m   59km

Flåm - Klevavatnet (Rallarvegen)

Sykla Rallarvegen frå Flåm til enden av Klevavatnet, fram til der det var brøytt. Fortsatt er det full vinter vidare innover i høgfjellet med metervis med snø og islagte vatn. Flåmsdalen og Klevagjelet er kanskje på sitt aller flottaste no, med store fossar og elver i snøsmeltinga!
14.juni      ↑810m   41km
Samme rute som i går, men fortsatte vidare til Tveito og på stien ned til Kjerland. Så på sti frå Bilde til Nesheim på turen tilbake rundt Granvinsvatnet. Kjempefine forhold. Også dei fleste myrene har no begynt å tørke opp.

13.juni      ↑680m   24km
Opp Vindalsvegen til Angerskleiv. Tilbake om Maovatnet/Vetlavatnet og Hause.

11.juni      ↑870m   30km

Rute: Haugseåsen - Angerskleiv - Ulvik (Den grøne kafe) - Ljono - Solsæ - Bergo - Haugseåsen

Flott rundtur over gamle postvegen til Ulvik. Tilbake om Solsæ og Bergo. Tidspunktet for å sykle denne turen no kan knapt bli betre; med snøkledde fjell, glitrande fjordar og mektige elver og fosser no i snøsmeltinga! Og ikkje ein einasta mygg eller fluge som irriterer..

9.juni      ↑1080m   16km

Onen (1620m) frå Austdalsvatnet

På Osafjellet er det fortsatt full vinter, og frå Austdalsvatnet (ca 850m) kunne me starte rett på ski i fleire meter med snø. Tung, våt snø spesielt i sørvendte hellinger, så på turen tilbake valgte me det som er å oppdrive av nedkøyringar nordvendt. Litt variabelt føre, og med stigande temperatur i vente blir det nok ei god stund til neste tur med ski på beina for min del.

8.juni      ↑1490m   17km
Flott junikveld og rundtur etter jobb; Hamre - Seljenuten - Oksen - Nuten - Hamre. Til fots frå Hamre til Seljenuten og så vidare på ski frå Middagsnuten til Oksen. Fyrst ei nedkøyring i Oksebrekkene, så nordflanken mot Nuten (kunne skri nesten heilt ned til stølen på ca 600moh der stien mot Hamre starter). Perfekt kveldsslusj og knapt antydning til sugeføre!

7.juni7,5km
Eg og Sigve på stirunde og joggetur i Bømoen.

6.juni      ↑620m   12km
To rundar i stien som går ned frå toppen av traktorvegen frå Nesheim til Bilde. Knusktørr sti i skogen.

5.juni      ↑1020m   39km
Flott kveldstur over gamle postvegen Granvin - Ulvik, rett før regnet kom for fullt. Sykla om Bergo på turen tilbake over fjellet. Eit par snøfenner langs stien ned mot Ulvik, men dei fleste var såpass små at dei var fullt mulig å sykle rundt. Kyraone/Kyraoni (fossen rett ved Horganipen) bles rett til værs i den kraftige austavinden:



4.juni      ↑790m   27km
Opp Vindalsvegen til Hedler og vidare til Angerskleiv. Tilbake om Vetlavatnet, Tveito og rundt Granvinsvatnet. Veldig flotte forhold og heilt tørre stiar utenom eit kort parti opp mot Angerskleiv.

PSX 20200604 230213

3.juni      ↑580m   17km
Angeskleiv. Snøfri sti heilt opp!

G0071154

2.juni  
Fin kveldstur og rundtur om Maovatnet og Vatnasetvatnet frå Haugseåsen.

PSX 20200603 104929

29.-30.mai      ↑1460m   17km

Storeflåtten (1616m) frå Ringøy

Med flotte værmeldingar og stigande lufttemperatur frista det med ein ny telttur høgt til fjells. Slo opp teltet med utsikt rett mot majestetiske Storeflåtten like før sola gjekk ned, og starta på ski tidleg neste morgon for å få maksimalt føre nedatt frå toppen. Fantastisk flott tur både på ski og til fots opp dalen.

28.-29.mai      ↑1420m   16km

Oksen (1241m) frå Tjoflot

Telttur til Vindhovden og vidare til Oksen i strålande vær og føre. Ein tur på kvelden og ein neste morgon. Blikkstille på toppen på begge turane!
24.-25.mai      ↑1190m   13km

Sogndalseggi (1384m) frå Fjærland

Slo opp teltet med utsikt austover mot Fjærlandsfjorden. Planen neste dag vår å gå opp til Frudalshesten, men med ustabil snø og høg lufttemperatur korta eg inn turen og la om ruta nordaust frå Vetlebotn mot Sogndalseggi. 23.mai      ↑1210m   12km

Oksen (1241m)

Rute: Hamre - Seljenuten - Oksen (1241m) - Nuten - Hamre.
Flott rundtur med nedkøyring frå toppen nord til Nuten (ca 600moh). I dag vart det like mange høgdemeter på ski som til fots. Den stupbratte stien ned frå Nuten er greit tilrettelagt med tau, trepper og 10-12 stiger, slik at høgdemetrene nedatt er effektive (så lenge ein har skiene høgt festa på sekken for å unngå at dei tar nedi..)

22. mai   9km
Joggetur i Bømoen med Sigve. Årets varmaste dag så langt.

21.mai      ↑1080m   11,5km

Horndalsnuten (1461m) frå Skiple

Flott tur frå Skiple opp Horndalen til Horndalsnuten. Uten nattefrost og med høg lufttemperatur kombinert med søkkvåt nysnø var ikkje føret mykje å skryte av. Men ein fin tur vart det likevel, og sola dukka fram fleire gonger på turen opp. Shortsvær heilt til topps!
Våtskred nord for toppen.

19.mai      ↑1960m   17,5km

Oksen (1241m) frå Hamre

Til fots frå Hamre til Seljenuten, så vidare på ski til toppen. Slapp meg fyrst ned flanken søraust mot Oksastølen. Bra snø heilt ned til 900moh, men sidan denne "bollen" er rett solvendt gjekk det fort over til våt snø og kraftig sugeføre lenger nede. Deretter Oksebrekkene i strålande slusjføre. På den siste nedkøyringa skrei eg rett nord mot Nuten, kanskje dagens høgdepunkt og kjempeflotte forhold heilt ned til stølen. Så til fots med ski på sekk ned den svært bratte stien til Hamre. Ein fantastisk flott tur og vårdag!

18.mai      ↑1200m   16, 5km

Horndalsnuten (1461m) frå Skaftedalen

Kveldstur frå Skaftedal over Tingsteinen/Memorehaug til Horndalsnuten. Bra slusjføre ned frå toppen, men litt flatt lys i starten, så det gjekk i sneglefart dei fyrste 2-300 høgdemetrene. Varmt og ikkje eit vindpust, så kunne gå i kortarma ulltrøye heilt opp!

16. mai   8km
Joggetur i Bømoen med Sigve. Grått, vått og kjølig.

15.mai      ↑930m   11, 5km

Ingebjørgnuten (1210m) frå Stokksel

Kveldstur til Ingebjørgnuten i svært uforutsigbart vær. På dei to timane eg var på tur veksla det fleire gonger frå fullstendig tilskya og snøbyger, til blå himmel og sol..
Nydeleg solnedgang frå toppen, og mjukt jamnt lag med fokksnø på heile nedkøyringa. 14.mai      ↑1380m   16km
Kveldstur frå Liaset over Strutseggi til Stavaskarsnuten. Samme veg tilbake. Bra føre på den siste nedkøyringa frå Strutseggi, ellers litt vindpåvirka snø og flatt lys. Både yr og storm bomma på værmeldingane i kveld, så me slo fort ifrå oss planane om å fortsette til Olsskavlen.