31.des      ↑680m   8km
Strutseggi frå Liaset
Formiddagstur til rett oppunder toppen av Strutseggi. OK føre nedatt til Olastøl, med 5cm nysnø frå 600moh.

28.des   trugetur   ↑950m   11km
Ingebjørgfjellet(1210m) frå Stokksel
Ein vennegjeng på tre frå Frankrike fekk prøvd seg på trugetur i skikkelig vestlandsvær i dag. Minimal sikt og tett snødrev, så navigering med GPS var heilt nødvendig for at me skulle komme oss til topps. 10-20cm nysnø og litt variable snøforhold, så i dag kom trugene til god nytte!

26.des   truger/isbrodder   ↑1030m   10km
Oksen (1241m) frå Tjoflot
Ngan og nevøen fekk oppleve både snø, brunost, Real-turmat og Hardangerfjord-utsikt for aller fyrste gong i dag

25.des      ↑1230m   16km
Frå Skaftedalen til Horndalsnuten 1461m (via elvedalen)
Bra snødekke og 10-15cm fjørlett pudder heilt til topps. Nydeleg låg desembersol som såvidt synte seg i ei sprekke i skylgaget. Isete skareføre enkelte stader så tok det heller rolig nedatt elvedalen.

24.des      ↑830m   7km
Lyngerstjørn/Velkesfjellet frå Espelandsdalen
Ettermiddagstrim mellom graut- og pinnakjøtmiddag. Det er fyrste gong eg har gått denne skogslia vest for Velkesfjellet, men det blir neppe siste. Nesten 300 høgdemeter med åpen furuskog. Lite snø og elendig føre i dag.. men med litt påfyll blir det nok ein ny tur her.

22.des      ↑1230m   11km
Hamre-Seljenuten-Oksen(1241m)
Til fots frå Hamre til Seljenuten og vidare på ski til toppen. Hardt skareføre, men ikkje så gale som frykta. Såg to store rypeflokkar på veg opp.
21.des      ↑830m   9km
Stokksel-Ingebjørgfjellet (1210m)
Med dei siste dagars intense mildvær og vind har snøen minka med nesten ein halvmeter. Fint føre ned frå toppen.. men meir utfordrande føre (og litt lite snø) vidare ned frå Nonfjell.

16.des      ↑1030m   10km
Tjoflot-Oksen
20cm dagsfersk nysnjo og svært fine forhold heilt til topps! Litt vindpåvirka snø her og der.. men ikkje meir enn ein må forvente i midten av desember.

12.des      ↑790m   8km
Ettermiddagstur til Tjoflot og opp Oksebrekkene. Hadde ikkje sett for meg det heilt store føret i dag, men det var litt meir snø enn forventa frå Vindhovden og opp.. og eit lite nysnølag oppå skaren. Vidare mot toppen såg det heller avblåst og isete ut. Og uten medbrakt skarejern frista det ikkje veldig å fortsette.

10.des      ↑620m   7km
Kveldstur til Tingsteinen og Memorehaugen frå Skaftedalen. Djup fin pudderdsnø (minst 50cm) øvste halvdel av nedkøyringa. Det fine med denne lia er at den stort sett er skjerma for vinden som herjar i fjellet for tida.

09.des      ↑1020m   16km
Lønahorgi (1410m)
I dag gjekk turen direkte frå julehandel i Bergen til skitur og full vinter frå Tråstølen til Lønahorgi. Kontrasten kunne knapt vore større..
Kraftig vind på toppen, som økte på i intensitet nedover mot Horgaletten. Mjuk vindpåvirka skaresnø øvst og fin pudder vidare nedover frå Horgaletten til parkeringa.

07.des      ↑650m   7km
Full vinterstemning i Myrkdalen i dag, med sol og snø om kvarandre. Eg og Torill gjekk opp til toppen av Kari Traa-trekket. Flott føre både i og utanfor løypa.

06.des      ↑1050m   12km
Myrkdalen. Gjekk fyrste turen med breide kuro-planker til rett ovanfor Kari Traa-trekket, der det truleg låg rundt meteren med nysnø. Så ei nedkøyring frå toppen av Myrkdalsekspressen i nystrigla flotte løyper (og tett snødrev!).

02.des      ↑750m   11km
Tråstølen - Hangurstoppen x 3. Flott halvmåneskin rett over Hangurstoppen og truleg siste kveld med bra vær og føre på ei stund.

01.des      ↑600m   8km
Tråstølen - Hangurstoppen x 2. Fine forhold i kveld med eit par cm nysnø.