31. JANUAR      ↑950m   9km  1:40t
Nesthus-Rapjahalsen. Til tross for eit par vindfulle dagar ligg det framleis jamnt pudderføre nesten heilt opp. Nedkøyringa blir ekstra flott på klarværsdagar som i kveld, når Voss sentrum lyser opp.

29. JANUAR      ↑1040m   9km  3:50t
Kveldstur til Rapjahalsen. Overraskande fint føre frå starten av parkeringa og heilt til topps.

28. JANUAR      ↑660m   7.2km  1:30t
Haugseåsen-Velkesfjellet. Flott og lang solnedgang. Avblåst på toppen men ellers fin snø i skogen ned mot Liaset.

25. JANUAR      ↑690m   6km  
Jordalen / Tverrlia. Ikkje uventa leverte Tverrlia flotte forhold for skogskøyring i dag.

24. JANUAR      ↑580m   6km  1:50t
Ystås - Smøreggi. Vindstille og mildt på toppen og fine forhold med nokre cm nysnø frå i natt. ¨

21. JANUAR      ↑1050m   11km  3:20t
Fullmånetur frå Ystås til Smøreggi
To turar i glitrande snø og fantastisk føre. 30 nye cm sidan sist og nysnø heilt til topps. På den siste turen klarna det opp og "superfullmånen" lyste opp skogen og fjellsida.

20. JANUAR      ↑850m   14km  5t
Bulko-Langesetvatnet-Grønlivatnet-Skamdalshorgi
Rundtur i vakkert vinterlandskap frå Bulko til Langesetvatnet - Grønnlivatnet og vidare opp mot Skamdalshorgi. Me snudde før siste stigninga opp mot toppen; der var det så avblåst og snøfattig at me ikkje tok sjansen på å fortsette. Nedkøyring i artig skogsterreng og solide snømengder mot Hola og Byrsetvegen.

19. JANUAR      ↑790m   7km  
Skogskøyring i 40-50cm nysnø frå Nonfjellshytta til Stokksel

17. JANUAR      ↑890m   12km  3:15t
Ystås - Smøreggi
To nedkøyringar frå toppen, den siste om Krokavassvegen til Havås. Såpass kraftig ljos frå månen at me kunne gå utan hovelykta på veg opp.

16. JANUAR      ↑570m   8km  2:25t
Ystås - Smøreggi
Litt tung snø i starten, men etterkvart strålande pudderforhold over tregrensa! Stjerneklart og måneskin.

15. JANUAR      ↑450m   8km  1:45t
På pudderjakt frå Skaftedal til Tingsteinen og Memorgehaug.

13. JANUAR      ↑350m   5km  0:55t
Skaftedal-Fagerlihaugen. 15-20cm nynsø.

12. JANUAR      ↑1025m   18km  3:05t
Fulgte Osafjellsvegen til endes og fortsatte vidare i vilt "Osa-vinterlandskap" opp mot Gerdanuten (1259m). Raskt pudderføre nedatt.

11. JANUAR      ↑325m   4,5km  0:45t
Skaftedal-Tingsteinen. Slushføre, men i minste laget med snø.

08. JANUAR      ↑1240m   17.6km  3:10t
På kveldstrim med Audun til Lønahorgi, ein av dei få toppturane ein kan gå utan å frykte for skiene. Vinden har fjerna det meste av nysnøen frå i går, så føret var så som så. Kraftig økning i vinden opp siste stigninga mot toppen, så då var det ekstra godt å komme i le i tunnelen inn til Horje.

07. JANUAR      ↑920m   11.8km  3:10t
Horgaletten og Tråstølen. Endelig litt påfyll med nysnø og opptil 10-15cm fersk pudder opp mot Horgaletten.

05. JANUAR      ↑1285m   17.8km  3:10t
Bavallen-Lønahorgi. Glasert siste kilometrene opp mot toppen, men frå Kvilehytta og ned minna føret meir om vårslush enn typisk Januarføre. Stjerneklart, mildt og vindstille.. med skodda som låg tjukk lenger nede i bygda.

04. JANUAR      ↑1195m   15.8km  2:40t
Horgaletten og Ekspressheistoppen. Plussgrader til godt over 1000moh.

02. JANUAR      ↑665m   11km  2:15t
På "villsnøjakt" i Skaftedalen. Me gjekk fyrst til Tingsteinen så nedatt og opp til Fagerlihaugen (nabotoppen). Ikkje så mykje snø å oppdrive, men nok til å få to fine nedkøyringar der det veksla mellom pudder og skare.

01. JANUAR      ↑390m   5km  1:05t
Hovelykttur frå Skaftedal og slakt oppover i åpen skog til Fagerlihaugen (810m). Artig nedkøyring (mellom buskar og kratt). Avblåst på toppen, men ellers tørr pudder i skogen. Ein liten flokk med liryper flaksa opp rett før toppen, og like etterpå 3 orrfugl som låg i le for vinden litt lenger oppe.