Oktober 2018

28. OKTOBER

↑1110m 26km 5:30t
Onen (1620moh)
Maksimalt vær og føre på Osafjellet i dag - med kuldegrader og glitrande snø! Eit "luftig" lag med snøkrystallar gjorde til at føret ned frå Onen var enno litt raskare og betre enn for eit par dagar sidan.

På veg rundt Kvilingavatnet

Flott pudderføre Foto: Audun Brekke

27. OKTOBER

↑1190m 14km 3:20t
Oksen (1241 m.)
Ettermiddagstur frå Hamre til Oksen. Isete og glatt frå Seljenuten og vidare oppover, så i dag kom piggskoene til full nytte. Lang og flott solnedgang på turen nedover skogsstien mot Hamre!

26. OKTOBER

↑1110m 26km 5:10t
Onen (1620moh)
Vinteridyll på Osafjellet i dag!
Starta frå Viermyr (750moh) og fulgte Osafjellsvegen til endes. Vidare i kupert terreng langs Kvilingavatnet og opp brearmen mot toppen. Langt meir snø enn forventa i dag, og eit lite lag med fjørlett pudder oppå skaren - upåvirka av vind nesten heilt til topps.

På veg opp Osafjellsvegen med Vassfjøro i bakgrunnen

Vinterstemning

23. OKTOBER

Kveldstur bratt opp Horgastien til Horganipen (1035m)

20. OKTOBER

↑646m 23km
t/r Angerskleiv. Nedatt om Hausnes. Ei rute som gir mykje fin sykling på sti- og kjerreveg

19. OKTOBER

↑636m 21km
t/r Angerskleiv

16. OKTOBER

↑627m 10km
Flott rundtur opp Hangurslia og nedatt mot Raugstad

14. OKTOBER

↑790m 35km
Sykla opp i fjellsida som ligg rett vest for Torremolinos, og nedatt på ein lang slak sti som går langs skråninga av fjellet. Heile tida med utsikt rett mot havet.

13. OKTOBER

↑1750m 40km
Starta frå La Zuba og sykla opp til la Boca de la Pesca (1518m), med vakker utsikt over Sierra Nevada og Granada. Så nedatt på bratt sti som slynger seg forbi Casa del Guarda. Tilbake over Cumbres Verdes som eg sykla for eit par dagar sidan. Intens varme på den siste halvtimen av turen gjennom dei trange gatene i Granada.

På veg ned frå Casa del Guarda. Bilete henta frå trailguide.net (Foto: Peter Seidl)

11. OKTOBER

↑890m 35km
Dagens rundtur gjekk over til Monachil og Cumbres Verdes, og på rask flytsti ned til La Zubia. Dette området byr på ulike stialternativer og skal definitivt utforskast meir dei neste par dagane

10. OKTOBER

↑1290m 50km
Flott rundtur som foruten å gå gjennom dei mange sjarmerande landsbyane, blant anna svinga innom den imponerande Quentar-demningen og vidare over åsen til Guejar Sierra.