April 2017

Flåmsdalen - Geitanosi - Store Broksfjellet - Urdshovd

Starta innerst i Flåmsdalen og gjekk over Geitanosi(1446m) og vidare til Store Broksfjellet(1615m). Nedatt mot Myrdalen over Urdshovd og avslutta turen med nesten 800 høgdemeter i flott slusjføre tilbake til Flåmsdalen.

Nyastølseggi / Steindalseggi (Fjærland)

Starta frå Berge (sør for Fjærland) og gjekk inn til Fjellstølen/Storebotn. Så bratt opp mot Nyastølseggi(1505m). Fylgde ryggen bort til Steindalseggi(1510m). Éi nedkøyring frå kvart av fjella mot Storebotn. Ei herlig blanding av nysnjo øvst og slusjføre i dalen!

Mobilfoto:

Skreieggi

Lund-Skreieggi. Me fekk flott pudderføre frå toppen av Skreieggi (1324 m) og heilt ned til Skreivatnet (635 m)

Espelandsfossen-Sauanuten/Stavaskarsnuten-Liaset

Starta frå Espelandsfossen og gjekk om Vestrebotnen til Stavaskarsnuten 1349m. Nedatt til Liaset. Vindpåvirka og utfordrande føre... men nydeleg vær.

Vardanosi, Jordalen

Fantastiske pudderforhold i Jordalen i kveld. Eit par cm nysnø ved parkeringa.. som gradvis økte til minst 15 cm mot toppen, fullstendig upåvirka av vind. To turar til topps, den fyrste i flott kveldshimmel med triveleg selskap av samojedhunden, som stod klar då eg kom, og den siste turen med hovelykt i stjerneklar himmel.

23.04.2017

Sykkeltur: Hamre-Dale(Espelandsdalen)-Fletene

Vardanosi, Jordalen

To turar til Vardanosi i Jordalen i strålande vær. 5cm med nysnø (og endå litt meir nedanfor tregrensa). Samojedhunden i Jordalen møtte meg på parkering og vart med heilt til topps på den fyrste turen..

Espelandsdalen-Ulvik-"Åsen rundt"

Sykkeltur over Espelandsdalen og vidare til Håheim og "Åsen rundt" i Ulvik, ein fin rundtur på grusveg/traktorveg med flott utsikt over Osafjorden og Ulvik.

Voss-Bømoen-Herresåsen

Sykkeltur til Voss med nokre stirundar i Bømoen. Tilbake om Bordalen, over Herresåsen og nedatt gjennom gamle jernbanetunnelen til Såkvitne. Kaldt.. og ikkje særleg vårlig. Faktisk eit par kortvarige lokale snø-/haglbyger (frå nesten blå himmel?)..

Liaset-Strutseggi

Kom opp til ein flott solnedgang på toppen. Eit tynt skarelag gjorde sitt til at føre vart litt utfordrande heilt nedatt til parkeringa..

Mobilfoto:

Bakkavegen-Skår-Skjervet

Sykla opp Bakkavegen frå Spildo til Skår. Nedatt om Skjervet. Sol og lettskya, til tross for at både storm og yr hadde meldt øsande regnvær i dag!

Stokksel-Ingebjørgfjellet

Nydeleg dag. Sol frå blå himmel, vindstille og perfekt føre. Me fekk to fine nedkøyringar frå toppen. Den fyrste halvvegs ned mot Stokkseldalen.

Mobilfoto:

Strutseggi og Stavaskarsnuten frå Liaset

Gjekk fyrst frå Liaset til Stavaskarsnuten, så ned søraust mot Nuten. Oppatt om Stavaskar til Strutseggi. Flott pudderføre over 6-700moh og heilt til topps.

Mobilfoto:

Liaset-Strutseggi

Varmt, vindstille, våt nysnø.. og tidenes sugeføre.

Mobilfoto:

Lønahorgi

Bavallen-Lønahorgi. Vakkert ljos frå sola gjennom det tynne skoddelaget på veg mot toppen. Stort sett flott slushføre heilt nedatt til parkeringa.

Mobilfoto:

Lønahorgi

Kveldstur frå Bavallen til Lønahorgi. Forblåst opp mot toppen, så tunnelen inn til masta var ekstra god å ha i dag! Flotte nystrigla løyper som hadde fått litt påfyll av nysnø nedatt frå Horgaletten.

Bavallen-Horgaletten

Snudde og tok pause i den åpne bua på Horgaletten. Sterk vind og skodde på toppen. Strålande føre i løypa nedatt!