Julekortstemning på veg til Nonfjell i ettermiddag. Snudde på ca 900moh. Minst 40cm tørr nysnø på turen opp mot Nonfjell.. og nye 10-15cm hadde lagt seg på bilen då eg var kommen tilbake eit par timar seinare..!

Ny flott kveldstur til Olavstølnuten. Sporet mitt frå i går var nedsnødd, og det var tørr nysnø heilt ned mot bilen. Perfekt føre for 134mm breie ski! Gløtt av fullmåneskin.

Gløtt av fullmåneskin!

Gjekk frå Olastøl til Olavstølnuten (1136m). Flott nedkøyring med 10-15cm tørr og fin nysnø nesten heilt ned.

Ny tur til Ingebjørgfjellet. Like flott føre som i går, men endå klarare og betre sikt frå toppen og utover fjorden. Prøvde meg eit stykke ned mot Oksatjørni, men snudde omlag halvvegs pga litt lite snø. Oppatt til Ingebjørgfjellet og nedkøyring til Stokksel.

Nonfjell mot Ingebjørgfjellet (gopro-foto)

Tur til Ingebjørgfjellet med Jarle og Jo Bjørnar.
Fyrste halvtimen gjekk me til fots og tok ikkje på oss skiene før me nærma oss Nonfjellshytta. Vidare på ujamn snø og hard skare. Men frå ca 7-800moh var føre overraskande bra, med rimfrost og eit 2-3cm djupt snølag oppå skaren. Fullstendig vindstille heilt til topps!

Ettermiddagstur til Finnbunuten frå Myrkdalen. Flott solnedgang og bra føre øverst.

Novemberljos

Finnbunuten

Tur til Stavaskar med Margit Irene. Flott pudderføre over 800moh

Kjøyrde opp Olavstølvegen så langt eg kom og gjekk vidare til rett oppunder Stavaskarsnuten, der skodda låg tjukk vidare oppover. Omlag ein halv meter med snø frå ca 8-900moh. To flotte nedkøyringar mot Olastøl i fersk nysnø. På den siste nedkøyringa klarna det skikkelig opp.. og det vart flott skin frå halvmånen på veg nedatt mot bilen.
Utruleg kjekt med sesongens fyrste skitur når forholda er så bra som no! 

Siste nedkøyringa med hovelykt

Kveldsjoggetur/hovelykttur frå Drevtjørn og inn grusvegen til Solsæstølane. Hadde stort sett oppholdsvær. Om ikkje lenge kan ein forhåpentligvis gå turen på ski: http://turogfoto.no/foto-blogg/572-31-01-2015

Gjekk frå Skaftedal og fram til siste oppstigninga før toppen av Horndalsnuten. Snudde ca 100 meter frå toppen pga tjukk skodde. Stort sett i våt sti og myr fyrste del av turen... som etterkvart gjekk over i nysnø frå 900-1000moh.

Nysnø på toppane

Voss sett frå parti opp mot Horndalsnuten

Skodda kjem sigande innover rett før toppen

Ettermiddagstur til Nonfjell med Margit-Irene.

Utruleg varmt til å være i november.. med godt over 10-12 varmegrader og ikkje eit vindpust store deler av turen -kunne gå i kortarma ulltrøye heilt til toppen..
Starta frå Hamre og gjekk vidare på sti som ender opp ved Vindhovden og Tjoflotstølane. Vidare til Oksen, nedatt til Seljenuten og Hamre. Såg overraskande nok tre rypeflokkar rett før og etter toppen. Den største på godt over 20!

Sporlogg

Den heilt nye "Utne"-ferja sett frå Bjørnbås

Utsikt frå Oksen mot Eidfjorden og Hardangerbrua

Dis over Sørfjorden