Flott ettermiddagstur til Nonfjell (nesten til Ingebjørgfjellet) og nedatt mot Dalsete. Vidare på fin sti til Stokksel.

Reiste opp til Skålsete (Olastøl) på søndagskvelden med store forhåpningar om å få sett "blodmånen/supermånen" i løpet av natta.. men i 04-tida på morgonen var det desverre fullstendig overskya.. og ingenting å sjå av den gradvise formørkinga av månen.

Soloppgang frå Skålsete måndag morgon

Lavvotur ved Langavatnet på Osafjellet frå fredag til søndag.

Lørdagen var prega av skodde, nedbør og lågt skydekke, så dagen gjekk stort sett i film på iPad og lesing av bok. Planen for søndagen var å gå til Onen, men pga tett skodde på toppen var det ikkje mulig å komme heilt opp. Det vart istaden ein kortare tur til Kyrelvfjellet. Nysnø over 1300moh.

Panorama over Langavatnet

Meterhøge snøfenner

Nysnø over 1300 moh

Starta frå Nordrekvål i 17-tida og gjekk "Klondyke Opp" og vidare til Lønahorgi 1410moh med Jack Russell Terrier´en "Lykke". Varmt og nydeleg vær heilt til toppen. Solnedgang og flott halvmåneskin på turen nedatt.

På veg opp mot Klondyke, med utsikt mot Vossabygda.

Lønahorgi

Lønahorgi

Lønahorgi i kveldssol

Halvmåne over Gråsida

Starta frå Olastøl og gjekk over til Fagnastøl opp Seldalen og vidare til Olsskavlen 1576m. På veg nedatt (om Stavaskarsnuten) byksa det ut ein stor og flott kronhjort, men forsvant over Sauanuten og ut av syne lenge før eg var klar med kamera..
Var heldig og hadde opphaldsvær og sol stort sett heile turen, for rundt meg gjekk det fleire tunge regnbyger å trua.

Seldalen

Mot Raundalen, frå parti mellom Seldalsnuten og Olsskavlen

Olsskavlen 1576m

Granvinsfjorden sett frå Stavaskarsnuten

Eg og Maria på ettermiddagstur frå Skiple til Horndalsnuten. Nedatt fin sti mot Modalsvatnet, vidare til Steindro og til Skaftedal der den andre bilen stod parkert. 

Brua over Raundalselva som forsvant i flaumen hausten 2014

Utsyn over Raundalen

Horndalsnuten 1461moh

Vossabygda sett frå Horndalsnuten

Over snøfonn på veg ned mot Modalsvatnet

Kveldssol over Horndalsnuten

Nydeleg tur frå Olastøl til Olsskavlen (1576moh). "Shorstvær", vindstille og varmt på toppen, kl 19 på kvelden! Solnedgang frå parti mellom Sauanuten og Olsskavlen

Fjellrype sett på Sauanuten

Frå parti mellom Sauanuten og Olsskavlen

Olsskavlen 1576 moh.

Flott solnedgang på turen nedatt frå toppen

Kveldssol over Lønahorgi

Kveldstur til Nonfjell rett før sola gjekk ned. Vindstille og varmt i lufta!

Frå vestsida av Eidfjordvatnet går det ein bilveg heilt opp til 800moh. Gjekk inn til Fivlingen og vidare til Ruvlanutane og Middagsnuten, med flott utsyn rett ned mot Eidfjord sentrum.