September 2014

30.09.2014

Planen vår var å ta ein kveldstur etter jobb til Midtfjell. Ifølge YR og Storm var det meldt klarvær utover kvelden, men meldingane slo feil.. og det vart dårlig med solnedgang og halvmåneskin. Me snudde derfor omlag 200 høgdemeter før toppen. Fullstendig vindstille og varmt i lufta på turen neddatt.. faktisk såpass at me måtte av med jakka siste timen.. kl 21 på kvelden.

28.09.2014 | Velkesfjellet

Kveldstur til Velkesfjellet. Flott ljos i det sola braut gjennom skydekket!

22.09.2014 | Kveldsstur/Hodelykttur til Ingebjørgfjellet

Flott kveldstur til Ingebjørgfjellet, og haustens fyrste hodelykttur. Omtrent akkurat i det me passerte Nonfjellhytta kom sola fram, og det veksla mellom vakre raude, oransje, lilla og rosa skyer i det sola gjekk ned.

19.09.2014 | Bulko - Njuk

Tur i flotte haustfargar, frå Bulko til Krokavatnet, Vatnadalane, og over til Njuk. Tok og turen ut til eit av dei flottaste utsiktspunkt over Øvre Granvin, som ligg ca 20min. gange sør for Njuk.

18.09.2014 | Kajakk, Granvinsfjorden

Padla Granvinsfjorden til Folkedal og vidare til Naustflot (i enden av fjorden). Eit par selskapssjuke Stokkender fulgte etter kajakken ved Folkedal. Padla sørsida av fjorden tilbake, og fekk dermed sol på nesten heile turen.

17.09.2014 | Djupevik - Oksetjerni

Kveldstur til Oksetjerni frå Djupevik (Granvin). Kom tett på ein Kongeørn som ei stund sirkulerte "rett over" hovudet på meg og hunden, før den sakte forsvant høgt opp i det blå... kun på oppadstigende varmluft.. uten bruk av eit eineste vingeslag. Eit flott syn!
Ein liten filmsnutt av ørnen:

16.09.2014 Sygnestveit, Osafjorden

Kajakktur utover i Osafjorden og til Sygnestveit. Like varmt som på kveldsturane eg hadde i sommar.. og blikkstille i fjorden!

15.09.2014 | Kajakk, Granvinsfjorden

Etter ein lang pause med kajakk var det ekstra godt å komme seg ein tur ut i fjorden. Padla ut til Hamre og Folkedal i varm kveldssol og blikkstille sjø.

14.09.2014 | Midtfjell

Sommaren er på retur..
Tur til Midtfjell frå Stoksel i sol frå skyfri himmel. Fortsatt søte, store og gode blåbær å finne enkelte stader, over 2 1/2 mnd etter eg plukka dei første, i slutten av juni.. og med litt for lite medbrakt niste var det kjærkomment med ein bærpause.

12.09.2014 | Ingebjørgfjellet

Ettermiddagstur frå Stoksel og opp den fine stien til Ingebjørgfjellet. Flotte haustfargar, shortsvær og sommarvarme.. og tilnærma vindstille på toppen!
Såg to rypeflokkar på 8-10 ryper ovanfor Nonfjell.

09.09.2014 - 10.09.2014 | Kveldstur, Horganipen/Nesheimshorgi

Kveldstur til Horganipen i flott fullmåneskin.
Satt opp telt på toppen og gjekk vidare til Nesheimshorgi rett før sola gjekk ned. Overraskande stille på toppen av Horganipen og vakker soloppgang ca kl 07 på morgonen.

05.09.2014 | Fannaråken

Tur med hunden frå Turtagrø til Fannaråken, nord-Europas høgastliggjande turisthytte.
Flott panoramautsikt over Skagastølsryggen og dei andre Jotunheimfjella!

04.09.2014 | Vatnasete, Fuglevassdalen

Tur til Vatnasete, Fuglevassdalen, Maovatnet og tilbake til Haugseåsen. Varmt, stille og fint i kveldssola!

Dalsete, Ingebjørgfjellet

Ettermiddagstur til Ingebjørgfjellet og vidare via Dalsete til Stokksel. Haustfargane har såvidt begynt å komme.