November 2017


Sjusete - Midtfjell
Stjerneklart, måneskin, vindstille og 20-30cm fjørlett pudder som (med nokre få unntak) låg jamnt fordelt nesten heilt opp. Det glitra i snøen av lyset frå månen. Ofte ligg snøen upåvirka av vind på denne sida av Midtfjell, medan resten av Oksenhalvøya kan ha heilt andre føreforhold. No ser det ut til å bli værskifte og ei god stund til ein får like flotte forhold som det har vore den siste tida. Hardangerbrua og Sørfjorden frå Midtfjell Ned "bollen" rett under toppen Månelyst over Grimsnuten og Midtfjell (heilt til høgre) Nede ved parkeringa på Sjusete i Ulvik
Bavallen - Lønahorgi
Kveldstur frå Bavallen til Lønahorgi. Vindfullt og avblåst mot toppen (som er litt typisk for turen til Lønahorgi) så tunnelen inn til masta var ekstra god å ha i dag. Flott pudderføre ned frå Horgaletten. Måneskin og stjerneklart. Måneskin over Lønahorgi
Havås-Smøreggi
Me starta frå Havås og fulgte sporet frå i går til Smøreggi. Julekortstemning i skogen og utruleg flott pudderføre frå 400moh og heilt opp! Halvmåneskin
Havås-Smøreggi
Nye 15 cm og vinterens til no flottaste pudderdag! Fulgte Krokavassvegen frå Havås og tok av i lia opp til Smøreggi. Vakkert stemningsfullt ljos frå sola gjennom skyene det siste stykke opp mot toppen. Smøreggi i bakgrunnen
Havås-Håtjørn
Tur til Håtjørn. Frå vinterparkeringa på Havås øker det på til over ein meter med tørr nysnø opp mot Håtjørn, og alt har komme dei siste 2-3 dagane.
Stokkselvegen-Nonfjellshytta
Julekortstemning i skogen opp til Nonfjellshytta i dag.
Havås-Steinsethorgi
Tur til Steinsethorgi rett etter jobb for å nå i sola. Flott føre og nydeleg solnedgang på veg opp mot toppen. Steinsethorgi Blåtimen over Raundalsryggen
Heiane(Tveito)-Vetlelia
Tur frå Heiane(Tveito) og opp gjennom Vetlelia mot Middagsvarden i slakt skogsterreng. Brotskare, så hadde skifellene på både opp og nedatt.
Haugseåsen-Groheller
Full vinterstemning med nesten ein halvmeter nysnjo frå Vatnasete til Groheller. Me snudde rett før toppen pga kraftig vind. Stemingsfullt ettermiddagsljos over Vatnasetvatnet
Strutseggi
Liaset-Strutseggi. Botnlaust med nysnjo frå Olastøl og vidare opp.
Osa(300moh)-Gerdanuten(1292m.)
Kveldstur til Gerdanuten(1292m) på Osafjellet. Godt over ein meter med nysnø øvste del av Osafjellsvegen og utruleg flott pudderføre! Osafjellsvegen Sommar vs Vinter Ein av veldig mange lemmen i sporet nedatt
Vardanosi (Jordalen)
Lite snø ved parkering, men ein tynn såle og 15-20 cm pudder lenger oppe i skogen og heilt opp. Samojedhunden i Jordalen møtte som vanlig entusiastisk opp på parkeringa og vart med til toppen, sjølv om den var litt ute av form, tok mange pausar, og stort sett gjekk bak i sporet... Vakkert "novemberljos" på toppen!
Hamre-Seljenuten
Kveldstur til Seljenuten og rett oppunder Oksen. Flott og lang solnedgang på turen opp. Traff (bokstavelig talt) på ei fjellrype rett etter eg snudde.. den sneia jakka mi i det den - godt gøymd i snøen - plutseleg letta og kom rett imot meg, truleg blenda og forvirra av ljoset frå hovelykta..
Vatnasete (t/r)
Opp til Litlastøl/Vatnasete. Tilbake om Trohaugen-Hause.
Hamre-Seljenuten-Oksen
Flott måneskinstur frå Hamre til Oksen. På veg nedatt såg me ein nysgjerrig, vinterkledd røyskatt i ljoset frå hovelyktene. Den poserte litt for oss før den pilte nedover lia..